Levítico 1:11 - Li Santil hu

¹¹ Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Q'eqchi Bible

¹¹ Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Levítico 1:11 ပူးပေါင်းရင်းမြစ်များ

Levítico 1:5

Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.

Ezequiel 8:5

Ut li yo̱quin chirilbal quixye cue: —At ralal cui̱nk, ilon saꞌ li norte, chan cue. Ut la̱in quin-iloc, ut saꞌ li oqueba̱l li cuan saꞌ li norte li cuan cuiꞌ li artal quicuil li yi̱banbil dios li xicꞌ na-ileꞌ xban li Ka̱cuaꞌ.

Levítico 7:2

Li mayej xul aꞌin teꞌxcamsi saꞌ li naꞌajej li nequeꞌxcamsi cuiꞌ li cꞌatbil mayej. Ut lix quiqꞌuel teꞌxrach saꞌ xbe̱n li artal joꞌ ajcuiꞌ chixjun sutam.

Levítico 6:25

—Ta̱ye re laj Aarón ut eb li ralal: Aꞌan aꞌin li chakꞌrab chirix li mayej li teꞌxqꞌue re xtzꞌa̱manquil xcuybal li ma̱c. Li xul li teꞌxqꞌue chokꞌ xmayej teꞌxcamsi chiru li Ka̱cuaꞌ saꞌ li naꞌajej li nequeꞌxcamsi cuiꞌ li xul li nequeꞌxqꞌue chokꞌ cꞌatbil mayej. Li mayej aꞌin, aꞌan santobresinbil.

Éxodo 40:22

Quirocsi li me̱x chi saꞌ li tabernáculo ut quixqꞌue saꞌ lix nim ukꞌ chiru li tꞌicr li naramoc re li Lokꞌlaj Ca̱x.

Éxodo 24:6

Laj Moisés quixxoc lix quiqꞌuel li bo̱yx. Yijach quixxoc saꞌ eb li ucꞌal ut li yijach chic quixqꞌue chiru li artal.

Levítico 4:29

Tixqꞌue li rukꞌ saꞌ xjolom li xul li tixqꞌue chokꞌ xmayej re xtzꞌa̱manquil xcuybal xma̱c, ut tixcamsi saꞌ li naꞌajej li nequeꞌcamsi̱c cuiꞌ li xul li nequeꞌcꞌateꞌ chokꞌ mayej.

Levítico 8:19

Ut laj Moisés quixcamsi li carner ut quixrachrachi lix quiqꞌuel chixjun sutam li artal.

Levítico 14:13

Tixcamsi li carner saꞌ li santil naꞌajej li nacꞌatman cuiꞌ li xul re li cꞌatbil mayej ut re xpatzꞌbal xcuybal li ma̱c. Tento nak tixba̱nu chi joꞌcan xban nak li mayej aꞌan, joꞌ ajcuiꞌ li mayej re xtojbal rix li ma̱c, aꞌan jun santil mayej chiru li Ka̱cuaꞌ ut re laj tij.

Ezequiel 43:18

Ut li cui̱nk quixye cue: —At ralal cui̱nk, joꞌcaꞌin xye li nimajcual Dios: Aꞌan aꞌin le̱ chakꞌrabinquil nak acak xeyi̱b li artal. Nak te̱mayeja le̱ cꞌatbil mayej, te̱rachrachi lix quiqꞌuel li xul saꞌ xbe̱n li artal.