Levítico 1:10 - Li Santil hu

¹⁰ Cui carner malaj ut chiba̱t li tixqꞌue chokꞌ cꞌatbil mayej, tento nak tixqꞌue junak te̱lom tzꞌakalak re ru.

Q'eqchi Bible

¹⁰ “Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 1:10 ပူးပေါင်းရင်းမြစ်များ

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Malaquías 1:14

Tzꞌekta̱nanbilak li ani nabalakꞌin riqꞌuin xyechiꞌinquil jun li cha̱bil xul te̱lom chokꞌ xmayej ut incꞌaꞌ ajcuiꞌ naxqꞌue. Naxmayeja ban li xul li yaj li incꞌaꞌ us. La̱in li tzꞌakal Rey, chan li nimajcual Dios, ut xucuanbilak cuu saꞌ xya̱nkeb li xni̱nkal ru tenamit.

Levítico 22:19

Tento nak li xul te̱lom ut ma̱cꞌaꞌak re̱cꞌ, usta toro, usta carner, malaj ut chiba̱t re nak li Ka̱cuaꞌ tixcꞌul.

Levítico 4:23

Ut nak tixqꞌue retal nak ma̱c xba̱nu, tento nak tixqꞌue chokꞌ xmayej junak te̱lom chiba̱t toj sa̱j ut tzꞌakal re ru.

Éxodo 12:5

Usta chiba̱t, usta carner li te̱sicꞌ, jun chihab cua̱nk re. Ut tento nak te̱lom li xul ut cha̱bilak. Ma̱cꞌaꞌak xyajel.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Génesis 4:4

Ut laj Abel quixqꞌue ajcuiꞌ chokꞌ xmayej li xbe̱n ral lix carner. Quixsicꞌ ru li kꞌaxal cha̱bil saꞌ xya̱nkeb. Ut li Ka̱cuaꞌ Dios quisahoꞌ saꞌ xchꞌo̱l riqꞌuin laj Abel ut quixcꞌul lix mayej.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

Números 15:5

Ut tixqꞌue ajcuiꞌ chokꞌ xmayej jun litro li vino rochben li junju̱nk chi carner li tixqꞌue chokꞌ xcꞌatbil mayej.

Ezequiel 43:22

Cuulajak chic tatmayejak re xtzꞌa̱manquil xcuybal li ma̱c. Ta̱mayeja jun te̱lom chiba̱t toj sa̱j li ma̱cꞌaꞌ re̱cꞌ. Ut eb laj tij teꞌxsantobresi li artal joꞌ queꞌxba̱nu riqꞌuin li toro.

Levítico 3:1

Cui te̱qꞌue li mayej re xcꞌambal e̱rib saꞌ usilal riqꞌuin li Dios, tento nak te̱mayeja chiru li Dios junak li cuacax tzꞌakal re ru, usta toro, usta ba̱c.

Levítico 4:3

Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Levítico 5:15

—Nak junak cristian ta̱ma̱cobk chi incꞌaꞌ naxnau nak ma̱c yo̱ chixba̱nunquil xban nak incꞌaꞌ quixqꞌue lix mayej chi tzꞌakal joꞌ naxye lix chakꞌrab li Dios, tento nak tixqꞌue junak lix carner te̱lom tzꞌakal re ru re nak ta̱cuyekꞌ xma̱c. La̱at ta̱bir rix joꞌ nimal xtzꞌak li carner li tixqꞌue chokꞌ xmayej chiru li Dios chokꞌ xtojbal rix lix mayej li incꞌaꞌ xqꞌue. Ta̱bir rix li joꞌ qꞌuial tento xqꞌuebal joꞌ xbisbal li mayej li nequeꞌxqꞌue saꞌ li tabernáculo.

Levítico 9:2

Quixye re laj Aarón: —Chap jun li toro toj sa̱j ut ta̱mayeja re xtzꞌa̱manquil xcuybal le̱ ma̱c. Ut ta̱chap jun li te̱lom carner ut ta̱cꞌat re le̱ mayej. Tzꞌakalakeb re ru li ta̱qꞌue.

Levítico 14:10

Saꞌ xcuakxak li cutan li cristian li ac xqꞌuira tixcꞌam saꞌ li tabernáculo cuib li cha̱bil carner te̱lom toj sa̱j ut li tzꞌakal re ru. Tixcꞌam ajcuiꞌ jun li ixki carner jun chihab cuan re ut tzꞌakal re ru. Tixcꞌam ajcuiꞌ numenak ca̱laju libra li cha̱bil cꞌaj rochben aceite re lix mayej. Tixcꞌam ajcuiꞌ mero botella li aceite.

Levítico 16:3

Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Levítico 16:5

Eb li ralal xcꞌajol laj Israel teꞌxqꞌue cuib li te̱lom chiba̱t toj sa̱jeb re laj Aarón re nak tixmayeja re xtzꞌa̱manquil xcuybal lix ma̱queb. Ut teꞌxqꞌue ajcuiꞌ jun li carner te̱lom re li cꞌatbil mayej.

Levítico 23:12

Saꞌ li cutan nak te̱mayeja li xbe̱n ru le̱ racui̱mk, te̱qꞌue ajcuiꞌ jun li carner te̱lom jun chihab cuan re chokꞌ le̱ cꞌatbil mayej. Ut tzꞌakalak re ru li te̱qꞌue.

Números 6:14

Ut tixqꞌue chokꞌ xcꞌatbil mayej chiru li Ka̱cuaꞌ jun li te̱lom carner jun chihab cuan re. Ut tixqꞌue jun li ixki carner jun chihab cuan re, re xtojbal rix lix ma̱c. Ut tixqꞌue jun li te̱lom carner re tixcꞌam rib saꞌ usilal riqꞌuin li Dios. Ma̱cꞌaꞌak re̱qꞌueb li xul li tixqꞌue chokꞌ xmayej.

Números 19:2

—Aꞌin jun li chakꞌrab li yo̱quin chixtenebanquil saꞌ xbe̱neb laj Israel re teꞌxba̱nu. Te̱ye reheb laj Israel chi joꞌcaꞌin. Cꞌamomak chak jun li ba̱c cak rix ut ma̱cꞌaꞌ re̱cꞌ, li ma̱ jun sut qꞌuebil yugo chirix xcux re ta̱trabajik.