Lamentaciones 2:3 - Li Santil hu

³ Xban xjoskꞌil li Ka̱cuaꞌ quixsach xcuanquileb laj Israel. Incꞌaꞌ chic quixtenkꞌaheb laj Israel nak queꞌchal li xicꞌ nequeꞌiloc reheb chi pletic riqꞌuineb. Quixcanab chixjunil chi sachecꞌ. Chanchan queꞌcꞌateꞌ xban xam nak queꞌsacheꞌ ruheb.

Q'eqchi Bible

³ Xb'aan xxamlel li xjosq'il xkok'putz'i chixjunil li xkawilal laj Israel. Li Qaawa' xq'ajsi rib' chirix naq xooyalok rik'ineb' li xik' neke'ilok qe. Xloch jun xam k'ajo' xtiqwal, li xsach jo'nimal wank chi xsutam laj Jakob.

Lamentaciones 2:3 ပူးပေါင်းရင်းမြစ်များ

Salmos 74:11

¿Cꞌaꞌut nak yal nacacuileb? ¿Cꞌaꞌut nak incꞌaꞌ ta̱qꞌueheb chixtojbal xma̱queb chi junpa̱t?

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Salmos 75:10

Tinqꞌue xlokꞌal li Dios xban nak aꞌan ta̱risiheb xcuanquil li incꞌaꞌ useb xnaꞌleb. Abanan tixnimobresi xcuanquil li ti̱queb xchꞌo̱l.

Salmos 75:5

Me̱nimobresi chic e̱cuanquil e̱junes ut canabomak inhobbal, chanquin reheb, chan li Dios.

Jeremías 48:25

X-isi̱c xcuanquileb laj Moab. Ma̱cꞌaꞌ chic xcuanquileb, chan li Ka̱cuaꞌ.

Salmos 89:46

At Ka̱cuaꞌ, ¿joꞌ najtil chic yo̱k a̱joskꞌil saꞌ xbe̱n li rey? ¿Ma incꞌaꞌ ta̱cuil xtokꞌoba̱l ru?

Salmos 79:5

At Ka̱cuaꞌ, ¿joꞌ najtil chic yo̱k a̱joskꞌil saꞌ kabe̱n? ¿Ma junelic yo̱kat chikaqꞌuebal chixtojbal kama̱c?

San Lucas 3:17

Aꞌan chanchan jun aj acuinel ac cuan chak xcꞌanjeleba̱l saꞌ rukꞌ. Ta̱rapu chi us li ru li trigo ut tixxoc lix trigo saꞌ lix cꞌu̱leba̱l ut li rix tixcꞌat saꞌ li xam. Joꞌcan ajcuiꞌ nak li Dios ta̱risiheb li incꞌaꞌ nequeꞌpa̱ban saꞌ xya̱nkeb li ralal xcꞌajol ut tixtaklaheb saꞌ li xam li incꞌaꞌ nachup. Li ralal xcꞌajol ta̱cua̱nk xyuꞌameb chi junelic, chan laj Juan.

San Lucas 1:69

Xqꞌue jun laj Colol ke kꞌaxal nim xcuanquil. Quixsicꞌ ru saꞌ xya̱nkeb li ralal xcꞌajol li rey David laj cꞌanjel chiru.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Salmos 132:17

Saꞌ xya̱nkeb li ralal xcꞌajol laj David ta̱yoꞌla̱k jun nim xcuanquil. Aꞌan li sicꞌbil ru inban. Ut aꞌanak li cutan saken chokꞌ reheb li tenamit chi junelic.

Salmos 89:24

La̱in tinra aꞌan ut tintenkꞌa. Aꞌan ta̱numta̱k saꞌ xbe̱neb li xicꞌ nequeꞌiloc re riqꞌuin li cuanquilal li tinqꞌue re.

Li xHu LAJ JOB 16:15

Xban xrahil inchꞌo̱l xinqꞌue kꞌes ru tꞌicr chicuix ut xinqꞌue poks saꞌ injolom.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

2 Crónicas 34:25

Eb aꞌan quineꞌxtzꞌekta̱na nak queꞌxcꞌat xmayejeb chiru li jalanil dios. Queꞌxchikꞌ injoskꞌil riqꞌuin li incꞌaꞌ us queꞌxba̱nu. Incꞌaꞌ tincanabeb chi joꞌcan. Toj tincuisi injoskꞌil saꞌ xbe̱neb li tenamit aꞌin.

Lamentaciones 1:13

Chanchan nak li Ka̱cuaꞌ quixtakla chak jun li xam toj saꞌ choxa. Nacuulac xtikcual toj saꞌ kabakel. Chanchan nak quixqꞌue jun li raꞌal saꞌ kabe re totꞌanekꞌ cuiꞌ. Ut chirix aꞌan coxcanab kajunes chixcꞌulbal li raylal.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Ezequiel 7:14

Teꞌxya̱basi li trompeta re teꞌxcauresi ribeb chi xic chi pletic. Abanan ma̱ jun reheb ta̱e̱lk chi pletic xban nak lin joskꞌil cuan saꞌ xbe̱n chixjunileb.

Ezequiel 13:13

Joꞌcaꞌin xye li Ka̱cuaꞌ li nimajcual Dios: —Xban nak cꞌajoꞌ lin joskꞌil saꞌ xbe̱neb, la̱in tintakla li cacuil ikꞌ ut li cacuil hab, joꞌ ajcuiꞌ li sakbach. Ut ta̱sachekꞌ li tzꞌac li xeꞌxyi̱b.

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.