Lamentaciones 2:2 - Li Santil hu

² Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Q'eqchi Bible

² Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Lamentaciones 2:2 ပူးပေါင်းရင်းမြစ်များ

Lamentaciones 3:43

Cꞌajoꞌ la̱ joskꞌil. Joꞌcan nak xaqꞌue li raylal saꞌ kabe̱n. Xoa̱canab chi camsi̱c ut incꞌaꞌ xacuil xtokꞌoba̱l ku.

Lamentaciones 2:17

Li Ka̱cuaꞌ xba̱nu e̱re li cꞌaꞌru quixye chak junxil. Incꞌaꞌ xril xtokꞌoba̱l e̱ru. Xsach ban e̱ru. Incꞌaꞌ chic xcuy e̱ma̱c. Xqꞌueheb xcuanquil li xicꞌ nequeꞌiloc e̱re re teꞌnumta̱k saꞌ e̱be̱n, ut xexqꞌue chi seꞌe̱c.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Isaías 25:12

Li Dios tixsach li ni̱nki cab li nequeꞌxcol cuiꞌ ribeb joꞌ ajcuiꞌ li tzꞌac li najt xteram li sutsu̱queb cuiꞌ li tenamit. Tixjuqꞌueb ut tꞌantꞌo teꞌcana̱k saꞌ chꞌochꞌ.

Salmos 21:9

La̱at ta̱qꞌueheb saꞌ xam nak tatcha̱lk chi rakoc a̱tin. Riqꞌuin la̱ joskꞌil, ta̱sacheb ru saꞌ xam.

Ezequiel 9:10

Joꞌcan nak la̱in incꞌaꞌ tincuil xtokꞌoba̱l ruheb. Anakcuan tinqꞌueheb chixtojbal chixjunil li ma̱usilal li queꞌxba̱nu.—

Lamentaciones 2:21

Eb li camenak nequeꞌtꞌanaxin saꞌ eb li be, joꞌ cocꞌal, joꞌ ti̱xeb. Eb li sa̱j cui̱nk ut eb li tukꞌ ixk xelajeꞌcamsi̱c. Xban a̱joskꞌil, at Ka̱cuaꞌ, cacanabeb chi camsi̱c ut incꞌaꞌ cacuil xtokꞌoba̱l ruheb.

Lamentaciones 2:5

Chanchan nak xicꞌ chic narileb li tenamit Israel li Ka̱cuaꞌ xban nak quixsach ru li tenamit Jerusalén. Quixcanabeb re nak ta̱juqꞌui̱k chixjunil li cab li bar nequeꞌxcol cuiꞌ ribeb. Ut queꞌxjuqꞌui ajcuiꞌ li rochocheb li rey. Cꞌajoꞌ li raylal quixqꞌue saꞌ xbe̱neb li ralal xcꞌajol laj Judá.

Isaías 26:5

Li Ka̱cuaꞌ quixcubsi xcuanquileb li nequeꞌxkꞌetkꞌeti ribeb. Quixsach ru li tenamit li queꞌcuan cuiꞌ. Quilajxtꞌan li tzꞌac li najt xteram li sutsu cuiꞌ li tenamit.

2 Corintios 10:4

Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

San Mateo 18:33

¿Ma incꞌaꞌ raj xru xatokꞌoba ru la̱ cuech aj cꞌanjelil joꞌ nak xintokꞌoba a̱cuu la̱in? chan.

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

Ezequiel 7:9

Incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue ban chixtojbal rix le̱ ma̱c. Ut li ma̱usilal nequeba̱nu saꞌ e̱be̱n ajcuiꞌ la̱ex ta̱sukꞌi̱k. Ut la̱ex te̱nau nak la̱in li Ka̱cuaꞌ ut te̱nau ajcuiꞌ nak la̱in li tinqꞌuehok e̱re chixtojbal rix le̱ ma̱c.

Ezequiel 7:4

Ut incꞌaꞌ tincuy e̱ma̱c chi moco tincuil xtokꞌoba̱l e̱ru. Texinqꞌue chixtojbal rix li incꞌaꞌ us nequeba̱nu. Saꞌ e̱be̱n ajcuiꞌ la̱ex ta̱sukꞌi̱k li ma̱usilal nequeba̱nu, re nak te̱qꞌue retal nak la̱in li Ka̱cuaꞌ Dios.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Isaías 23:9

Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

Li xHu LAJ JOB 2:3

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal. Usta la̱at xaye cue nak tincanab chixcꞌulbal li raylal re chi ma̱cꞌaꞌ rajbal, abanan laj Job toj cuan saꞌ ti̱quilal ut toj cau xchꞌo̱l cuiqꞌuin, chan li Dios.

Salmos 74:7

Nak ac queꞌxpoꞌ chixjunil, queꞌxcꞌat. Queꞌxmux ru la̱ santil templo li quiqꞌueheꞌ cuiꞌ a̱lokꞌal.

Isaías 22:5

Li Ka̱cuaꞌ li nimajcual Dios ac quixye nak ta̱cuulak xkꞌehil nak che̱junilex texxucuak ut kꞌaxal ra te̱cꞌul. Telajeꞌxsach e̱naꞌleb saꞌ li ru takꞌa li nacꞌuteꞌ cuiꞌ li visión. Telajeꞌtꞌanekꞌ li tzꞌac li sutsu cuiꞌ li tenamit ut le̱ ya̱b ta̱abi̱k toj saꞌ eb li tzu̱l.

Miqueas 5:14

Ut la̱in tinpuqꞌui chixjunileb li yi̱banbil dios lix Asera xcꞌabaꞌ li cuanqueb saꞌ e̱ya̱nk ut tinsacheb ajcuiꞌ li tenamit bar cuanqueb cuiꞌ.

Deuteronomio 28:52

Teꞌpletik riqꞌuin chixjunileb li tenamit li cuanqueb saꞌ li naꞌajej li tixqꞌue e̱re li Ka̱cuaꞌ le̱ Dios. Ut eb li tzꞌac li najt xteram li cꞌojcꞌo̱k cuiꞌ le̱ chꞌo̱l telajeꞌtꞌanekꞌ chixjunileb.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Jeremías 19:15

—Joꞌcaꞌin xye li nimajcual Dios, lix Dioseb laj Israel, “La̱in tinqꞌue chak li raylal saꞌ xbe̱n li tenamit Jerusalén, joꞌ ajcuiꞌ saꞌ xbe̱neb li tenamit li cuanqueb chi xjun sutam. Li raylal aꞌin ac tenebanbil saꞌ xbe̱neb inban la̱in xban nak xeꞌxcacuubresi lix chꞌo̱leb ut incꞌaꞌ queꞌraj rabinquil li cua̱tin,” chan li Ka̱cuaꞌ.—