Jueces 9:6 - Li Santil hu

⁶ Chirix chic aꞌan, chixjunileb li cuanqueb Siquem queꞌxjunaji ribeb riqꞌuineb li cuanqueb Bet-milo ut queꞌco̱eb bar cuan cuiꞌ li cheꞌ ji ut li pec li quixakaba̱c aran Siquem. Ut aran queꞌxxakab laj Abimelec chokꞌ xreyeb.

Q'eqchi Bible

⁶ Toja' naq ke'xch'utub' rib' chixjunileb' li xjolomileb' laj Sikem ut chixjunileb' laj Bet-Miló, ut ke'xxaqab' laj Abimélek cho'q awab'ej, chi xk'atq li ji re li xaqxookil pek li wank aran Sikem.

Jueces 9:6 ပူးပေါင်းရင်းမြစ်များ

2 Samuel 5:9

Ut nak ac xre̱chani lix nimal ru tenamit, laj David quicana chi cua̱nc aran Sión ut quixqꞌue chokꞌ xcꞌabaꞌ “Xtenamit laj David”. Ut quixyi̱b li tzꞌac chi xjun sutam lix tenamit. Naticla chak li tzꞌac cuan cuiꞌ jun li cab najt xteram Milo xcꞌabaꞌ ut nacuulac toj saꞌ li tenamit.

2 Reyes 12:20

Eb li nequeꞌcꞌanjelac chiru li rey Joás queꞌxcꞌu̱b ru chanru nak teꞌxcamsi. Ut queꞌxcamsi laj Joás saꞌ li cab li cuan Milo nak yo̱ chi xic Sila.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

1 Reyes 12:20

Nak eb laj Israel queꞌrabi nak quisukꞌi chak laj Jeroboam, queꞌxchꞌutub ribeb. Queꞌxbok riqꞌuineb laj Jeroboam ut queꞌxxakab chokꞌ xreyeb. Caꞌaj cuiꞌ eb laj Judá queꞌcana rubel xcuanquil laj Roboam, li ri laj David.

1 Reyes 12:1

Co̱ laj Roboam Siquem xban nak aran co̱eb chixjunileb laj Israel re teꞌxxakab chokꞌ rey.

Josué 24:26

Ut laj Josué quixtzꞌi̱ba retalil li queꞌxba̱nu saꞌ li hu li tzꞌi̱banbil cuiꞌ lix chakꞌrab li Dios. Ut quixchap jun li nimla pec ut quixxakab rubel jun to̱n li ji li cuan aran chixcꞌatk li tabernáculo.

Jueces 9:5

Queꞌco̱eb aran Ofra saꞌ li rochoch laj Jerobaal lix yucuaꞌ. Ut aran chiru jun chi pec queꞌxcamsiheb li laje̱b xca̱cꞌa̱l chi ralal laj Jerobaal, ri̱tzꞌineb rib riqꞌuin laj Abimelec. Caꞌaj cuiꞌ laj Jotam li i̱tzꞌinbej quixmuk rib. Joꞌcan nak quicoleꞌ.

Jueces 9:7

Nak laj Jotam quirabi resil li queꞌxba̱nu, quitakeꞌ saꞌ xbe̱n li tzu̱l Gerizim. Ut toj aran quixjap chak re chixyebal: —Ex cui̱nk aj Siquem, cherabihak li cꞌaꞌru oc cue chixyebal ut chirabihak ta ajcuiꞌ li Dios li cꞌaꞌru te̱ye la̱ex.