Jueces 9:56 - Li Santil hu

⁵⁶ Joꞌcaꞌin nak quiqꞌueheꞌ laj Abimelec xban li Dios chixtojbal rix li ma̱c quixba̱nu chiru lix naꞌ xyucuaꞌ nak quixcamsiheb li laje̱b xca̱cꞌa̱l (77) li ras ut li ri̱tzꞌin.

Q'eqchi Bible

⁵⁶ Jo'ka'in naq li Yos kixq'ajkamu re laj Abimélek li ink'a' us kixb'aanu re li xyuwa' naq kixkamsiheb' li lajeeb' xkaak'aal (70) chi ras riitz'ineb'.

Jueces 9:56 ပူးပေါင်းရင်းမြစ်များ

Salmos 94:23

Li Ka̱cuaꞌ tixqꞌueheb chi sachecꞌ ruheb li incꞌaꞌ useb xnaꞌleb xban lix ma̱usilaleb. Li Ka̱cuaꞌ li kaDios tixsukꞌisi saꞌ xbe̱neb lix ma̱usilaleb ut tixsacheb ru.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Jueces 9:24

Li Dios quixba̱nu chi joꞌcan re nak laj Abimelec rochbeneb li cui̱nk aj Siquem teꞌxtoj rix li ma̱c li queꞌxba̱nu nak queꞌxcamsiheb li laje̱b xca̱cꞌa̱l (70) chi ralal laj Jerobaal.

Gálatas 6:7

Me̱balakꞌi e̱rib. Li Dios incꞌaꞌ naru xbalakꞌinquil. Li cꞌaꞌru narau li junju̱nk, aꞌan ajcuiꞌ li tixkꞌol.

Hechos 28:4

Li cuanqueb saꞌ li naꞌajej Malta, nak queꞌril li cꞌambolay tꞌuytꞌu chi rukꞌ, queꞌxye chi ribileb rib: —Relic chi ya̱l nak li cui̱nk aꞌin, aꞌan aj camsinel. Xcoleꞌ chak chiru li palau, abanan incꞌaꞌ ta̱canaba̱k chi yoꞌyo arin chi incꞌaꞌ tixcꞌul xtojbal rix lix ma̱c, chanqueb.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Salmos 9:12

Li Dios naril xtokꞌoba̱l ruheb li cuanqueb saꞌ raylal. Ut naxqꞌue chixtojbal xma̱queb li ani naxcamsi ras ri̱tzꞌin.

Li xHu LAJ JOB 31:3

¿Ma ma̱cuaꞌ ta biꞌ raj reheb li incꞌaꞌ useb xnaꞌleb li raylal li yo̱quin chixcꞌulbal la̱in?

Génesis 9:5

Li Dios quixye ajcuiꞌ reheb: —Relic chi ya̱l tinye e̱re, cui junak tixcamsi li ras ri̱tzꞌin, tento nak ta̱cua̱nk re̱kaj. Cui junak xul tixcamsi junak cristian, tento ajcuiꞌ nak ta̱camsi̱k li xul. Ut cui junak cristian tixcamsi junak ras ri̱tzꞌin, tento nak ta̱camsi̱k ajcuiꞌ aꞌan.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Jueces 9:55

Nak queꞌxqꞌue retal laj Israel nak ac xcam laj Abimelec, queꞌsukꞌi cuiꞌchic saꞌ li rochocheb.

Jueces 9:57

Ut li Dios quixqꞌueheb ajcuiꞌ chixtojbal rix lix ma̱queb li cui̱nk li cuanqueb Siquem. Queꞌxcꞌul joꞌ quixye laj Jotam li ralal laj Jerobaal.