Jueces 9:49 - Li Santil hu

⁴⁹ Ut chixjunileb queꞌxyocꞌ li rukꞌ cheꞌ ut queꞌxpako saꞌ xbe̱n xteleb ut queꞌco̱eb chirix laj Abimelec saꞌ li cab li chꞌutchꞌu̱queb cuiꞌ laj Siquem. Queꞌxqꞌue li rukꞌ cheꞌ chirix li cab ut queꞌxloch xxamlel ut queꞌcꞌateꞌ li cuanqueb chi saꞌ. Joꞌcan nak queꞌcam li cristian li cuanqueb Siquem. Numenak tana jun mil li queꞌcam, joꞌ cui̱nk, joꞌ ixk.

Q'eqchi Bible

⁴⁹ Chixjunileb' li winq ke'xyok' junjunq li ruq' xche'; chirix a'an ke'xtaaqe laj Abimélek, ke'xk'e li ruq'eb' li che' chirix li kab'l, ke'xloch xxamlel ut chi jo'kan ke'xkamsi chixjunileb' laj Mikdal-Sikem: wankeb' tana lajeek'aal rox o'q'ob' (1,000) chi winq ut ixq.

Jueces 9:49 ပူးပေါင်းရင်းမြစ်များ

Santiago 3:16

Bar nacuan cuiꞌ li cakali̱nc ut li kꞌetkꞌetil, aran ajcuiꞌ nacuan poꞌoc chꞌo̱lej ut yalak cꞌaꞌru chi ma̱usilalil.

Gálatas 5:15

Ut cui yo̱quex chixjoskꞌinquil e̱rib ut yo̱quex chixrahobtesinquil e̱rib, chexcꞌoxlak caꞌchꞌinak. Ma̱re anchal te̱poꞌ ru le̱ pa̱ba̱l chi ribil e̱rib.

Jueces 9:20

Cui ut incꞌaꞌ xexcuan saꞌ xya̱lal, chie̱lk ta xam riqꞌuin laj Abimelec ut cheꞌcꞌatk ta chixjunileb li cui̱nk aj Siquem ut eb laj Bet-milo. Ut chie̱lk ta xam riqꞌuineb laj Siquem ut eb laj Bet-milo ut chicꞌatk ta laj Abimelec, chan laj Jotam.

Jueces 9:15

Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Jueces 9:48

Co̱ rochbeneb lix soldado saꞌ li tzu̱l Salmón. Quixchap lix ma̱l laj Abimelec ut quixyocꞌ jun li rukꞌ cheꞌ ut quixqꞌue saꞌ xbe̱n xtel. Quixye reheb li rochben: —Cheba̱nu joꞌ xinba̱nu la̱in. Ut se̱bahomak e̱rib, chan.

Jueces 9:50

Chirix chic aꞌan laj Abimelec queꞌco̱eb toj saꞌ li tenamit Tebes ut queꞌxtiquib pletic toj retal queꞌre̱chani li tenamit.