Jueces 9:20 - Li Santil hu

²⁰ Cui ut incꞌaꞌ xexcuan saꞌ xya̱lal, chie̱lk ta xam riqꞌuin laj Abimelec ut cheꞌcꞌatk ta chixjunileb li cui̱nk aj Siquem ut eb laj Bet-milo. Ut chie̱lk ta xam riqꞌuineb laj Siquem ut eb laj Bet-milo ut chicꞌatk ta laj Abimelec, chan laj Jotam.

Q'eqchi Bible

²⁰ Ab'an wi ink'a' jo'kan, chi'elq chaq xam rik'in laj Abimélek re xk'atb'al li xjolomileb' laj Sikem ut Bet-Miló. Jo'kan ajwi' chi'elq chaq xam rik'ineb' li xjolomileb' laj Sikem ut Bet-Miló ut chixk'ataq laj Abimélek”, chan.

Jueces 9:20 ပူးပေါင်းရင်းမြစ်များ

Jueces 9:15

Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Salmos 140:10

Chanchan ta ru xam yo̱ xxamlel chitꞌanekꞌ saꞌ xbe̱neb nak teꞌqꞌuehekꞌ chixtojbal rix lix ma̱queb. Ut chanchan ta teꞌcutekꞌ saꞌ li chamal jul ut incꞌaꞌ chic teꞌru̱k chi e̱lc.

Salmos 28:4

Qꞌueheb chixtojbal xma̱queb aꞌ yal chanru li ma̱c li xeꞌxba̱nu. Qꞌueheb chixtojbal rix lix ma̱usilal xban nak aꞌan xcꞌulubeb nak teꞌxtoj rix lix ma̱queb.

Jueces 9:23

Ut li Dios quixtakla jun chꞌaꞌajquilal saꞌ xbe̱neb laj Abimelec ut eb laj Siquem re nak xicꞌ chic teꞌril ribeb chi ribileb rib. Ut eb laj Siquem queꞌxkꞌetkꞌeti ribeb chiru laj Abimelec.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Jueces 9:6

Chirix chic aꞌan, chixjunileb li cuanqueb Siquem queꞌxjunaji ribeb riqꞌuineb li cuanqueb Bet-milo ut queꞌco̱eb bar cuan cuiꞌ li cheꞌ ji ut li pec li quixakaba̱c aran Siquem. Ut aran queꞌxxakab laj Abimelec chokꞌ xreyeb.

Jueces 9:19

Cui xexcuan saꞌ xya̱lal riqꞌuin laj Gedeón ut riqꞌuineb li ralal xcꞌajol chiru li cutan aꞌin, naru texcua̱nk chi sa saꞌ e̱chꞌo̱l riqꞌuin laj Abimelec. Ut laj Abimelec chicua̱nk chi sa saꞌ xchꞌo̱l e̱riqꞌuin.

Jueces 9:21

Ut xban nak laj Jotam quixucuac chiru laj Abimelec li ras, joꞌcan nak quie̱lelic chiru ut co̱ chi cua̱nc saꞌ li tenamit Beer.

Jueces 9:44

Nak eb laj Abimelec ut eb li soldado li cuanqueb rochben yo̱queb chi oc chi pletic saꞌ li tenamit, li cuib chꞌu̱tal chic chi soldado yo̱queb chixcamsinquileb li cuanqueb saꞌ cꞌaleba̱l.