Jueces 9:15 - Li Santil hu

¹⁵ Ut li tun qꞌuix quixye reheb: —Cui ya̱l nak la̱ex te̱raj nak la̱in tin-oc chokꞌ e̱rey, quimkex biꞌ anakcuan. Qꞌuehomak e̱rib chi rubel lin mu. Cui ut incꞌaꞌ nequeraj chi joꞌcan, chie̱lk li xam cuiqꞌuin ut chixcꞌatak li chacalteꞌ re Líbano, chan.

Q'eqchi Bible

¹⁵ Ut li k'ix kixsumeheb': «Wi relik chi yaal naq xesik' wu re awab'ejink sa' eeb'een, kimqex chi hilank rub'el linmu. Wi ut ink'a' jo'kan, chi'elq xam wik'in ut chixk'at eb' li yaw re Líbano», chan.

Jueces 9:15 ပူးပေါင်းရင်းမြစ်များ

Isaías 30:2

Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Oseas 14:7

Teꞌcua̱nk cuiꞌchic saꞌ lix naꞌajeb ut la̱in tin-ilok reheb. Tebinqꞌue cuiꞌchic chi ta̱mc. Chanchanakeb lix qꞌuial li ru li trigo ut chanchanakeb li ru li uvas. Ut yalak bar ta̱cuulak resileb joꞌ li cha̱bil vino li na-el aran Líbano.

Isaías 2:13

Ta̱risi xcuanquileb li nequeꞌrecꞌa rib nak ni̱nkeb xcuanquil joꞌ li ni̱nki cheꞌ chacalteꞌ li cuan Líbano ut li ji li cuan Basán.

Jueces 9:20

Cui ut incꞌaꞌ xexcuan saꞌ xya̱lal, chie̱lk ta xam riqꞌuin laj Abimelec ut cheꞌcꞌatk ta chixjunileb li cui̱nk aj Siquem ut eb laj Bet-milo. Ut chie̱lk ta xam riqꞌuineb laj Siquem ut eb laj Bet-milo ut chicꞌatk ta laj Abimelec, chan laj Jotam.

Daniel 4:12

Cꞌajoꞌ xchꞌinaꞌusal lix xak ut kꞌaxal nabal li ru. Tzꞌakal re teꞌtzaca̱nk chixjunileb li cuanqueb saꞌ ruchichꞌochꞌ. Eb li xul saꞌ qꞌuicheꞌ queꞌhilan saꞌ lix mu ut eb li cocꞌ xul li nequeꞌrupupic queꞌxyi̱b lix soc saꞌ eb li rukꞌ. Ut chixjunileb queꞌxtzaca li ru.

Ezequiel 19:14

Quiloch xxamlel li xto̱nal ut quixcꞌat li rukꞌ joꞌ ajcuiꞌ li ru. Incꞌaꞌ chic ta̱cua̱nk li rukꞌ cha̱bil chokꞌ xxukꞌeb li rey. Aꞌan aꞌin jun li bich re rahil chꞌo̱lej ut qꞌuila sut ta̱bichama̱nk re rahil chꞌo̱lej.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Salmos 104:16

Nacaqꞌue li hab chi nabal saꞌ xbe̱n li cheꞌ li cuan Líbano. Nacatꞌakresiheb li chacalteꞌ li cacuau la̱at.

2 Reyes 14:9

Abanan laj Joás lix reyeb laj Israel quixtakla xyebal re laj Amasías lix reyeb laj Judá chi joꞌcaꞌin: —Saꞌ jun li cutan jun li to̱n qꞌuix cuan aran Líbano quixtakla xyebal re li cheꞌ cedro li a̱tin aꞌin, “Qꞌue la̱ rabin chokꞌ rixakil li cualal,” chan. Ut jun li joskꞌ aj xul quinumeꞌ ut quixyekꞌi saꞌ rok li jun to̱n chi qꞌuix.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

San Mateo 13:32

Li riyajil li mostaza cocꞌ chiruheb chixjunil li iyaj cuan. Ut nak naqꞌui, ni̱nk chi us nacuulac. Naxkꞌax xteram li acui̱mk. Chanchan jun to̱n li cheꞌ ut eb laj xicꞌanel xul nequeꞌxyi̱b lix soc saꞌ eb li rukꞌ.—

Ezequiel 31:3

Cꞌoxla li tenamit Asiria. Chanchan jun li chacalteꞌ aran Líbano, li cꞌajoꞌ xchꞌinaꞌusal li rukꞌ. Nim xmu nak nequeꞌxhel rib saꞌ xbe̱n li qꞌuicheꞌ. Kꞌaxal najt xteram. Chanchan nak li ruꞌuj nacuulac toj takecꞌ saꞌ chok.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Jueces 9:49

Ut chixjunileb queꞌxyocꞌ li rukꞌ cheꞌ ut queꞌxpako saꞌ xbe̱n xteleb ut queꞌco̱eb chirix laj Abimelec saꞌ li cab li chꞌutchꞌu̱queb cuiꞌ laj Siquem. Queꞌxqꞌue li rukꞌ cheꞌ chirix li cab ut queꞌxloch xxamlel ut queꞌcꞌateꞌ li cuanqueb chi saꞌ. Joꞌcan nak queꞌcam li cristian li cuanqueb Siquem. Numenak tana jun mil li queꞌcam, joꞌ cui̱nk, joꞌ ixk.

Jueces 9:14

Tojoꞌnak eb li cheꞌ queꞌxye re li tun qꞌuix: —La̱at tatkaxakab chokꞌ karey, chanqueb.

Jueces 9:16

Ut laj Jotam quixpatzꞌ reheb: —¿Ma chi anchal e̱chꞌo̱l ut ma saꞌ xya̱lal xexakab laj Abimelec chokꞌ rey? ¿Ma xeba̱nu usilal re laj Gedeón ut reheb li ralal xcꞌajol joꞌ nak laj Gedeón quixba̱nu usilal e̱re la̱ex?

Salmos 29:5

Naxxer li cheꞌ chacalteꞌ nak na-ecꞌan lix ya̱b xcux li Ka̱cuaꞌ. Riqꞌuin lix nimal xcuanquil li Ka̱cuaꞌ naxxer li ni̱nki cheꞌ li cuanqueb Líbano.

Jueces 9:44

Nak eb laj Abimelec ut eb li soldado li cuanqueb rochben yo̱queb chi oc chi pletic saꞌ li tenamit, li cuib chꞌu̱tal chic chi soldado yo̱queb chixcamsinquileb li cuanqueb saꞌ cꞌaleba̱l.

Lamentaciones 4:20

Queꞌxchap li karey, li sicꞌbil ru xban li Ka̱cuaꞌ, li cꞌojcꞌo cuiꞌ kachꞌo̱l. Saꞌ kachꞌo̱l la̱o nak cua̱nk li rey aꞌan, eb li jalan tenamit incꞌaꞌ toeꞌxchꞌiꞌchꞌiꞌi.