Jueces 9:13 - Li Santil hu

¹³ Aꞌut lix cheꞌel li uvas quixye reheb: —¿Cꞌaꞌut? ¿Ma naru ta biꞌ tincanab xqꞌuebal li vino li nasahoꞌ cuiꞌ xchꞌo̱l li Ka̱cuaꞌ ut eb li cui̱nk yal re nak tincꞌanjelak chokꞌ e̱rey? chan.

Q'eqchi Bible

¹³ Kichaq'ok li xtoonal li uub': «Ma tinkanab' tab'i' xk'eeb'al li b'iin li nak'ehok xsahilal xch'ooleb' li yos ut eb' li winq, re naq tinxik chi xb'eeninkil wib' sa' xb'eeneb' li che'?», chan.

Jueces 9:13 ပူးပေါင်းရင်းမြစ်များ

Eclesiastés 10:19

Li ninkꞌe naqꞌuehoc sahil chꞌo̱lej. Ut li vino naxqꞌue ajcuiꞌ xsahil xchꞌo̱leb li cuanqueb saꞌ ruchichꞌochꞌ. Abanan li tumin, aꞌan li naxba̱nu chixjunil aꞌin.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Números 15:10

Ut te̱cꞌam ajcuiꞌ cuib litro li vino. Aꞌanak jun li sununquil cꞌatbil mayej ta̱cuulak chicuu.

Números 15:5

Ut tixqꞌue ajcuiꞌ chokꞌ xmayej jun litro li vino rochben li junju̱nk chi carner li tixqꞌue chokꞌ xcꞌatbil mayej.

Proverbios 31:6

Canabomak li haꞌ li nacaltesin chokꞌ reheb li ca̱mqueb re ut chokꞌ reheb li cuanqueb saꞌ raylal.

Números 15:7

Ut chokꞌ re li mayej vino te̱qꞌue numenak jun litro li vino. Aꞌanak jun sununquil mayej ta̱cuulak chicuu.

Jueces 9:12

Ut eb li cheꞌ queꞌxye re lix cheꞌel li uvas: —La̱at tatkaxakab chokꞌ karey, chanqueb.

Jueces 9:14

Tojoꞌnak eb li cheꞌ queꞌxye re li tun qꞌuix: —La̱at tatkaxakab chokꞌ karey, chanqueb.

Eclesiastés 2:3

Xban nak junes xsicꞌbal innaꞌleb yo̱quin, quincꞌoxla nak tintau xsahil inchꞌo̱l riqꞌuin li cala̱c. Joꞌcan nak quin-oc chi ucꞌac re rilbal ma aꞌan li us tixba̱nu li cui̱nk joꞌ najtil ta̱cua̱nk saꞌ ruchichꞌochꞌ.