Jueces 8:6 - Li Santil hu

⁶ Abanan eb li nequeꞌtaklan aran Sucot queꞌxye re: —¿Cꞌaꞌut nak takaqꞌue xcuaheb la̱ soldado? ¿Ma ac xechapeb ta biꞌ laj Zeba ut laj Zalmuna? chanqueb.

Q'eqchi Bible

⁶ Ab'an eb' li xjolomileb' laj Sukot ke'xsume: “Ma ak xachap tab'i' laj Sébaj ut laj Salmuná re naq tqak'e xwaheb' laj puub' li wankeb' aawochb'een?”, chankeb'.

Jueces 8:6 ပူးပေါင်းရင်းမြစ်များ

1 Reyes 20:11

Ut lix reyeb laj Israel quixtakla cuiꞌchic xyebal re laj Ben-adad: —At rey, ma̱nimobresi a̱cuib chixyebal nak ta̱sach ru lin tenamit. Nak acak xacue̱chani naru nacanimobresi a̱cuib, chan.

Filipenses 2:21

Eb li jun chꞌol chic junes li us chokꞌ reheb aꞌan nequeꞌxcꞌoxla ut incꞌaꞌ nequeꞌxcꞌoxla xba̱nunquil li naraj li Jesucristo.

Proverbios 18:23

Li nebaꞌ naa̱tinac riqꞌuin kꞌunil a̱tin re nak ta̱ilekꞌ xtokꞌoba̱l ru. Abanan li biom saꞌ kꞌetkꞌetil nachakꞌoc.

2 Reyes 14:9

Abanan laj Joás lix reyeb laj Israel quixtakla xyebal re laj Amasías lix reyeb laj Judá chi joꞌcaꞌin: —Saꞌ jun li cutan jun li to̱n qꞌuix cuan aran Líbano quixtakla xyebal re li cheꞌ cedro li a̱tin aꞌin, “Qꞌue la̱ rabin chokꞌ rixakil li cualal,” chan. Ut jun li joskꞌ aj xul quinumeꞌ ut quixyekꞌi saꞌ rok li jun to̱n chi qꞌuix.

Jueces 8:15

Ut laj Gedeón rochbeneb lix soldado queꞌco̱eb Sucot. Laj Gedeón quixye reheb li cuanqueb aran: —¿Ma jultic e̱re chanru nak xine̱hob saꞌ xcꞌabaꞌ laj Zeba ut laj Zalmuna? ¿Ma toj cuan saꞌ e̱chꞌo̱l nak incꞌaꞌ xeqꞌue xcuaheb lin soldado, usta tacuajenakeb, nak xinpatzꞌ e̱re? “¿Ma ac xexnumta ta biꞌ saꞌ xbe̱neb laj Zeba ut laj Zalmuna?” chanquex ke. Arin cuanqueb anakcuan, chan laj Gedeón.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

Génesis 37:28

Nak yo̱queb chi numecꞌ saꞌ li naꞌajej aꞌan eb laj madianita rochbeneb laj ismaelita, eb li ras laj José queꞌrisi saꞌ li jul ut queꞌxcꞌayi reheb laj ismaelita. Junmay ajcuiꞌ chi tumin plata queꞌxcꞌayi cuiꞌ laj José. Ut chirix aꞌan, queꞌxcꞌam toj Egipto.

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Génesis 25:13

Aꞌaneb aꞌin lix cꞌabaꞌeb li ralal xcꞌajol laj Ismael. Li xbe̱n, aꞌan laj Nebaiot. Chirix chic aꞌan queꞌcuan laj Cedar, laj Adbeel ut laj Mibsam,

Jueces 8:5

Nak queꞌcuulac saꞌ li tenamit Sucot, laj Gedeón quixye reheb li cuanqueb aran: —Nintzꞌa̱ma che̱ru nak te̱ba̱nu li usilal. Te̱qꞌue xtzacae̱mkeb li cui̱nk li cuanqueb cuochben xban nak tacuajenakeb. La̱o yo̱co chira̱linanquileb re takachapeb laj Zeba ut laj Zalmuna lix reyeb laj Madián, chan.