Jueces 8:30 - Li Santil hu

³⁰ Ut queꞌcuan laje̱b xca̱cꞌa̱l (70) li ralal xban nak nabaleb li rixakil.

Q'eqchi Bible

³⁰ Lajeeb' xkaak'aal (70) li ralal kiwank laj Jedehón, xb'aan naq naab'aleb' li rixaqil.

Jueces 8:30 ပူးပေါင်းရင်းမြစ်များ

Jueces 9:5

Queꞌco̱eb aran Ofra saꞌ li rochoch laj Jerobaal lix yucuaꞌ. Ut aran chiru jun chi pec queꞌxcamsiheb li laje̱b xca̱cꞌa̱l chi ralal laj Jerobaal, ri̱tzꞌineb rib riqꞌuin laj Abimelec. Caꞌaj cuiꞌ laj Jotam li i̱tzꞌinbej quixmuk rib. Joꞌcan nak quicoleꞌ.

Jueces 9:2

—Nintzꞌa̱ma che̱ru nak te̱patzꞌ reheb chixjunileb li cuanqueb Siquem cꞌaꞌru li kꞌaxal us chokꞌ reheb. ¿Ma us nak li laje̱b xca̱cꞌa̱l (70) chi ralal laj Jerobaal teꞌtakla̱nk saꞌ xbe̱neb? ¿Malaj ut us nak jun ajcuiꞌ ta̱takla̱nk saꞌ xbe̱neb? Chijulticokꞌ e̱re nak la̱in le̱ comon, chan.

1 Reyes 11:3

Laj Salomón quisumla riqꞌuin cuukub ciento li ixk xrabineb rey. Ut quicuan ajcuiꞌ riqꞌuin oxib ciento chic li ixk ma̱cuaꞌ tzꞌakal rixakil. Ut saꞌ xcꞌabaꞌeb li ixk aꞌan, laj Salomón quixcanab xlokꞌoninquil li Dios.

Deuteronomio 17:17

Chi moco naru ta̱cua̱nk nabalak rixakil xban nak naru naxjal lix naꞌleb xbaneb. Chi moco naru nacuan nabalak x-oro ut nabalak xplata.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

2 Reyes 10:1

Laje̱b xca̱cꞌa̱l (70) li ralal laj Acab cuanqueb saꞌ li tenamit Samaria. Laj Jehú quixtzꞌi̱baheb li hu ut quixtakla reheb li nequeꞌtaklan saꞌ li tenamit Jezreel ut reheb li nequeꞌcꞌamoc be. Quixtakla ajcuiꞌ reheb li nequeꞌiloc reheb li ralal laj Acab. Saꞌ li hu quixye chi joꞌcaꞌin:

Jueces 12:14

Laj Abdón quicuan caꞌcꞌa̱l (40) li ralal ut laje̱b xcaꞌcꞌa̱l (30) li ri. Eb li ralal xcꞌajol junes chirix bu̱r nequeꞌbe̱c. Laj Abdón quitaklan saꞌ xbe̱neb laj Israel chiru cuakxakib chihab.

Jueces 12:9

Laj Ibzán quicuan laje̱b xcaꞌcꞌa̱l (30) li ralal ut laje̱b xcaꞌcꞌa̱l (30) lix rabin. Ut chixjunileb quixsumubeb riqꞌuineb li jalaneb xtenamit. Ut quitaklan saꞌ xbe̱neb laj Israel chiru cuukub chihab.

Jueces 10:4

Ut queꞌcuan laje̱b xcaꞌcꞌa̱l li ralal laj Jair. Junes chirix bu̱r nequeꞌbe̱c. Queꞌtaklan saꞌ xbe̱neb laje̱b xcaꞌcꞌa̱l chi tenamit saꞌ li naꞌajej Galaad. Toj chalen anakcuan nequeꞌxye “Lix tenamit laj Jair” reheb li tenamit aꞌan.

Éxodo 1:5

Laj José ac cuan aran Egipto. Chixjunil li ralal xcꞌajol laj Jacob rochbeneb li ri cuanqueb laje̱b xca̱cꞌa̱l (70).

Génesis 46:26

Cuakib xca̱cꞌa̱l (66) li ralal xcꞌajol laj Jacob li junaj xquiqꞌueleb li queꞌco̱eb Egipto. Ma̱cꞌaꞌ eb saꞌ ajl li rixakil eb li ralal.

Génesis 7:7

Laj Noé qui-oc saꞌ li jucub cab rochbeneb li ralal, li rixakil ut li rixakileb li ralal re xcolbaleb rib chiru li butꞌi haꞌ.

Génesis 2:24

Joꞌcan nak li cui̱nk tixcanab lix naꞌ ut lix yucuaꞌ. Ut tixlakꞌab rib riqꞌuin li rixakil. Ut junajakeb chic chi ribileb rib.

Jueces 8:31

Quicuan jun li ralal riqꞌuin jun reheb li ixk li nequeꞌcuan riqꞌuin. Li ixk aꞌan cuan aran Siquem. Aj Abimelec quixqꞌue chokꞌ xcꞌabaꞌ li ralal aꞌan.

Jueces 9:18

Abanan anakcuan la̱ex xeba̱nu ma̱usilal reheb li ralal lin yucuaꞌ. Chiru jun chi pec xecamsiheb li laje̱b xca̱cꞌa̱l chi ralal laj Gedeón. Ut xexakab laj Abimelec chokꞌ e̱rey, xban nak aꞌan e̱rechꞌalal. Aꞌan ralal laj Gedeón riqꞌuin jun lix mo̱s ixk.

Jueces 9:1

Laj Abimelec, li ralal laj Jerobaal, quicuulac Siquem chi a̱tinac riqꞌuineb li ras lix naꞌ ut riqꞌuineb chixjunileb li cuanqueb saꞌ rochoch lix yucuaꞌ lix naꞌ. Ut quixye reheb: