Jueces 8:28 - Li Santil hu

²⁸ Eb laj Israel queꞌnumta saꞌ xbe̱neb laj Madián. Ut incꞌaꞌ chic queꞌpletic riqꞌuineb laj Israel. Chiru caꞌcꞌa̱l (40) chihab eb laj Israel queꞌcuan saꞌ tuktu̱quil usilal nak toj yoꞌyo laj Gedeón.

Q'eqchi Bible

²⁸ Jo'ka'in naq ke'sache'k xwankil eb' laj Madián chiruheb' laj Israel ut ink'a' chik ke'xwaklesi rib'eb'. Chiru ka'k'aal chihab' eb' laj Israel ke'wank sa' tuqtuukilal, naq toj yo'yooq laj Jedehón.

Jueces 8:28 ပူးပေါင်းရင်းမြစ်များ

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Jueces 3:11

Incꞌaꞌ chic quicuan li pletic chiru caꞌcꞌa̱l chihab nak toj yoꞌyo laj Otoniel li ralal laj Cenaz.

Isaías 10:26

Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Jueces 3:30

Joꞌcaꞌin nak eb laj Israel queꞌnumta saꞌ xbe̱neb laj Moab saꞌ li cutan aꞌan. Ut incꞌaꞌ chic queꞌpletic chiru ca̱cꞌa̱l chihab.

Jueces 8:27

Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

Jueces 8:29

Laj Gedeón li ralal laj Joás, li nequeꞌxye ajcuiꞌ Jerobaal re, quisukꞌi saꞌ li rochoch ut aran quicana chi cua̱nc.

Salmos 83:2

Il li cꞌaꞌru yo̱queb chixba̱nunquil li xicꞌ nequeꞌiloc a̱cue. Qꞌueheb retal xban nak nequeꞌraj numta̱c saꞌ a̱be̱n.

1 Samuel 7:13

Joꞌcaꞌin nak queꞌnumta laj Israel saꞌ xbe̱neb laj filisteo. Incꞌaꞌ chic queꞌoc saꞌ lix tenamiteb laj Israel chi pletic. Joꞌ najtil yoꞌyo laj Samuel, li Ka̱cuaꞌ incꞌaꞌ quixcanabeb laj filisteo chi oc saꞌ lix naꞌajeb.