Jueces 8:27 - Li Santil hu

²⁷ Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

Q'eqchi Bible

²⁷ Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.

Jueces 8:27 ပူးပေါင်းရင်းမြစ်များ

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Jueces 18:14

Li o̱beb chi cui̱nk li queꞌco̱eb chi qꞌuehoc etal saꞌ li naꞌajej Lais queꞌxye reheb lix comon: —Cꞌoxlahomak cꞌaꞌru te̱ba̱nu xban nak saꞌ li rochoch li cui̱nk aꞌan cuan jun li efod ut cuanqueb li yi̱banbil dios. Ut cuan lix dios yi̱banbil riqꞌuin cheꞌ ut li ru yi̱banbil riqꞌuin plata. ¿Cꞌaꞌru nequecꞌoxla? ¿Cꞌaꞌru takaba̱nu? chanqueb.

Jueces 17:5

Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.

Jueces 18:17

Ut eb li o̱b chi aj qꞌuehol etal queꞌoc saꞌ li rochoch laj Micaía ut queꞌxcꞌam lix efod ut queꞌxcꞌam ajcuiꞌ lix dios yi̱banbil riqꞌuin cheꞌ joꞌ ajcuiꞌ li dios yi̱banbil riqꞌuin plata. Queꞌxcꞌam chixjunil li yi̱banbil dios. Ut laj tij xakxo saꞌ li oqueba̱l rochbeneb li cuakib ciento chi soldado.

Deuteronomio 7:16

Tento nak te̱sach ruheb chixjunileb li tenamit li tixkꞌaxtesi saꞌ e̱rukꞌ li Ka̱cuaꞌ le̱ Dios. Incꞌaꞌ te̱ruxta̱na ruheb chi moco te̱ril xtokꞌoba̱l ruheb. Ut me̱lokꞌoniheb lix yi̱banbil dios re nak incꞌaꞌ ta̱sachekꞌ e̱ru.

Jueces 6:24

Laj Gedeón quixyi̱b jun li artal saꞌ li naꞌajej aꞌan re xlokꞌoninquil li Ka̱cuaꞌ ut Jehová-salom quixqꞌue chokꞌ xcꞌabaꞌ. Chalen anakcuan toj cuan ajcuiꞌ li artal aꞌan saꞌ li naꞌajej Ofra li cuan saꞌ lix naꞌajeb li ralal xcꞌajol laj Abiezer.

Éxodo 23:33

Incꞌaꞌ te̱canabeb chi cua̱nc saꞌ le̱ naꞌaj re nak incꞌaꞌ texqꞌue chi ma̱cobc chicuu. Naru nequex-oc chixlokꞌoninquil lix dioseb, ut riqꞌuin aꞌan te̱tzꞌek e̱rib.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

Jueces 6:11

Ut quichal lix ángel li Ka̱cuaꞌ ut quicꞌojla rubel jun to̱n li ji cuan saꞌ li tenamit Ofra. Li naꞌajej aꞌan re laj Joás xcomoneb li ralal xcꞌajol laj Abiezer. Laj Gedeón, li ralal laj Joás, yo̱ chixpuxinquil ru li trigo saꞌ li naꞌajej bar nequeꞌxyatzꞌ cuiꞌ li uvas re nak incꞌaꞌ ta̱ilekꞌ xbaneb laj Madián.

Deuteronomio 12:5

Li Ka̱cuaꞌ ban ta̱sicꞌok ru li naꞌajej bar te̱lokꞌoni cuiꞌ lix cꞌabaꞌ. Ut la̱ex texxic saꞌ li naꞌajej aꞌan chixlokꞌoninquil li Ka̱cuaꞌ.

Deuteronomio 7:25

Te̱cꞌat chixjunileb lix yi̱banbil dios. Me̱rahi ru li plata ut li oro li cuan chiru lix dioseb ut me̱xoc chokꞌ e̱re ma̱re anchal te̱tzꞌek e̱rib xbaneb, xban nak li Ka̱cuaꞌ xicꞌ narileb lix yi̱banbil dios.

Jueces 8:26

Aꞌan aꞌin xqꞌuial li ra̱lal li caꞌxic oro: Numenak caꞌcꞌa̱l libra xbisbal li caꞌxic aꞌan. Incꞌaꞌ queꞌxqꞌue li jun chꞌol chic joꞌ li kꞌol ut li terto̱quil pec, chi moco li cha̱bil akꞌej yi̱banbil riqꞌuin li tꞌicr púrpura li nequeꞌrocsi lix reyeb laj Madián. Chi moco queꞌxqꞌue li kꞌol li nequeꞌrocsi saꞌ xcuxeb li camello.

Jueces 8:28

Eb laj Israel queꞌnumta saꞌ xbe̱neb laj Madián. Ut incꞌaꞌ chic queꞌpletic riqꞌuineb laj Israel. Chiru caꞌcꞌa̱l (40) chihab eb laj Israel queꞌcuan saꞌ tuktu̱quil usilal nak toj yoꞌyo laj Gedeón.

Éxodo 32:4

Laj Aarón quilajxcꞌul li oro li joꞌ qꞌuial queꞌxcꞌam riqꞌuin. Quixhaꞌobresi li oro ut quixyi̱b jun chꞌina cuacax chiru. Riqꞌuin chꞌi̱chꞌ quixti̱cobresi ru. Eb li cristian queꞌxye: —Aꞌin li kadios, la̱o aj Israel. Aꞌan li qui-isin chak ke saꞌ li tenamit Egipto, chanqueb.

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Jueces 2:3

Joꞌcan nak la̱in ninye e̱re nak incꞌaꞌ tincuisiheb li tenamit che̱ru saꞌ li naꞌajej aꞌin. Xicꞌ tex-ilekꞌ xbaneb ut texqꞌuehekꞌ chi ma̱cobc xbaneb lix dioseb, chan li ángel.

Salmos 106:35

Queꞌxjunaji ban ribeb riqꞌuineb ut queꞌoc chixba̱nunquil li cꞌaꞌru nequeꞌxba̱nu eb aꞌan.

Ezequiel 7:20

Kꞌaxal queꞌxqꞌue xlokꞌal li cꞌaꞌru reheb li kꞌaxal terto xtzꞌak. Riqꞌuin aꞌan queꞌxnimobresi ribeb nak queꞌxyi̱b li yi̱banbil dios li kꞌaxal yibru. Joꞌcan nak la̱in xinba̱nun re nak xicꞌ chic teꞌril li cꞌaꞌru terto xtzꞌak.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.