Jueces 8:26 - Li Santil hu

²⁶ Aꞌan aꞌin xqꞌuial li ra̱lal li caꞌxic oro: Numenak caꞌcꞌa̱l libra xbisbal li caꞌxic aꞌan. Incꞌaꞌ queꞌxqꞌue li jun chꞌol chic joꞌ li kꞌol ut li terto̱quil pec, chi moco li cha̱bil akꞌej yi̱banbil riqꞌuin li tꞌicr púrpura li nequeꞌrocsi lix reyeb laj Madián. Chi moco queꞌxqꞌue li kꞌol li nequeꞌrocsi saꞌ xcuxeb li camello.

Q'eqchi Bible

²⁶ Li raalaleb' li matq'ab' oor ke'patz'mank, a'an numenaq ka'k'aal liib'r chi oor, chi ink'a' k'eeb'il sa' ajl li xsahob'eb' ru, eb' li ka'xik ut eb' li kaqi aq'eb' li neke'roksi li awab'ej re Madián, chi moko eb' li q'ol li wankeb' chi xkuxeb' li kameey.

Jueces 8:26 ပူးပေါင်းရင်းမြစ်များ

Apocalipsis 18:16

Tokꞌobeb ru. Tokꞌobeb ru li cuanqueb saꞌ li nimla tenamit aꞌan. Junxil queꞌxtikib ribeb riqꞌuin li cha̱bil tꞌicr lino ut púrpura ut caki tꞌicr. Ut queꞌxqꞌue chokꞌ xsahob ru li oro, ut li terto̱quil pec ut li perla.

Apocalipsis 18:12

Ma̱ ani chic ta̱lokꞌok re li oro, chi moco li plata, chi moco li cha̱bil pec li terto xtzꞌak, chi moco li perlas. Ma̱ ani chic ta̱lokꞌok re li cha̱bil tꞌicr lino, chi moco li púrpura, chi moco li seda, chi moco li escarlata. Ma̱ ani chic ta̱lokꞌok re li qꞌuila pa̱y ru chi sununquil cheꞌ. Ut ma̱ ani chic ta̱lokꞌok re li cꞌaꞌak re ru yi̱banbil riqꞌuin marfil, chi moco riqꞌuin li cha̱bil cheꞌ, chi moco riqꞌuin li chꞌi̱chꞌ hierro ut cobre, chi moco li yi̱banbil riqꞌuin li pec mármol.

San Juan 19:5

Ut li Jesús qui-el chirix cab. Cuan saꞌ xjolom li corona li yi̱banbil riqꞌuin qꞌuix ut cuan li caki tꞌicr chirix. Laj Pilato quixye reheb: —Cueꞌ li cui̱nk. Ilomak, chan.

San Juan 19:2

Eb li soldado queꞌxyi̱b jun li corona riqꞌuin qꞌuix ut queꞌxqꞌue saꞌ xjolom li Jesús. Ut queꞌxqꞌue jun li caki tꞌicr chirix xcomon li nequeꞌrocsi li rey.

Jeremías 10:9

Nequeꞌxcꞌam chak li plata toj Tarsis ut nequeꞌxcꞌam chak lix oro aran Ufaz. Ut eb li cui̱nk nequeꞌxletz chiru lix dioseb li queꞌxyi̱b. Ut nequeꞌxqꞌue rakꞌeb azul ut púrpura yi̱banbil xbaneb li nequeꞌxnau cꞌanjelac chi us.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Apocalipsis 17:4

Li ixk tikibanbil riqꞌuin rakꞌ púrpura ut cak. Lix sahob ru li rakꞌ yi̱banbil riqꞌuin oro ut terto̱quil pec ut riqꞌuin perla. Cuan chak riqꞌuin jun li secꞌ oro nujenak riqꞌuin li ma̱usilal ut li yumbe̱tac coꞌbe̱tac.

Ezequiel 27:7

Li nimla tꞌicr li naberesin re yi̱banbil riqꞌuin li cha̱bil tꞌicr lino li cuan xsahob ru. Quicꞌameꞌ chak Egipto. Li bandera yi̱banbil riqꞌuin li cha̱bil tꞌicr azul ut púrpura li quicꞌameꞌ chak saꞌ li tenamit Elisa li cuan chire li palau.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Jueces 8:21

Tojoꞌnak laj Zeba ut laj Zalmuna queꞌxye re: —Choa̱camsi la̱at. ¿Ma ma̱cuaꞌ ta biꞌ la̱at li cui̱nk cau a̱cuib? chanqueb. Joꞌcan nak laj Gedeón quixcamsiheb ut quixcꞌam chokꞌ re li xsahob ruheb lix camellos li nacuan saꞌ xcuxeb.

Jueces 8:25

Eb laj Israel queꞌxye re chi saheb saꞌ xchꞌo̱l: —Takaqꞌue a̱cue li caꞌxic, chanqueb. Ut queꞌxhel saꞌ chꞌochꞌ jun li tꞌicr ut aran queꞌxqꞌue li caꞌxic li quexoc chixju̱nkaleb.

Jueces 8:27

Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

Proverbios 31:22

Riqꞌuin rukꞌ naxyi̱b li ris ut naxyi̱b ajcuiꞌ li rakꞌ aꞌan riqꞌuin li cha̱bil tꞌicr lino.

Isaías 3:18

Saꞌ eb li cutan aꞌan li Ka̱cuaꞌ ta̱risiheb lix sahob ru li nequeꞌxqꞌue saꞌ xcux rokeb. Ta̱risiheb lix sahob ru li nequeꞌxqꞌue saꞌ xjolomeb ut li nequeꞌxqꞌue saꞌ xpe̱quemeb.