Jueces 8:25 - Li Santil hu

²⁵ Eb laj Israel queꞌxye re chi saheb saꞌ xchꞌo̱l: —Takaqꞌue a̱cue li caꞌxic, chanqueb. Ut queꞌxhel saꞌ chꞌochꞌ jun li tꞌicr ut aran queꞌxqꞌue li caꞌxic li quexoc chixju̱nkaleb.

Q'eqchi Bible

²⁵ Ke'chaq'ok ut ke'xye: “Chi anchal qach'ool tqak'e aawe”, chankeb'. Toja' naq laj Jedehón kixhel li xt'ikr chiru ch'och' ut aran ke'xk'e li matq'ab' li ke'reechani chixjunqaleb'.

Jueces 8:25 ပူးပေါင်းရင်းမြစ်များ

Génesis 35:4

Eb aꞌan queꞌxkꞌaxtesi saꞌ rukꞌ laj Jacob chixjunileb li jalanil dios. Queꞌxkꞌaxtesiheb ajcuiꞌ chixjunileb li caꞌxic li queꞌxqꞌue xcuanquil. Laj Jacob quixmuk li cꞌaꞌak re ru aꞌin saꞌ chꞌochꞌ rubel jun to̱n li cheꞌ ji. Li cheꞌ aꞌan nachꞌ cuan riqꞌuin li tenamit Siquem.

Jueces 8:24

Laj Gedeón quixye ajcuiꞌ reheb: —Jun ajcuiꞌ li nintzꞌa̱ma che̱ru. Li junju̱nk e̱re te̱kꞌaxtesi cue li caꞌ xic li xexoc riqꞌuineb laj Madián li ralal xcꞌajoleb laj Ismael, chan. (Eb li queꞌcuan saꞌ li chaki chꞌochꞌ cꞌaynakeb chirocsinquil li caꞌxic yi̱banbil riqꞌuin oro.)

Jueces 8:26

Aꞌan aꞌin xqꞌuial li ra̱lal li caꞌxic oro: Numenak caꞌcꞌa̱l libra xbisbal li caꞌxic aꞌan. Incꞌaꞌ queꞌxqꞌue li jun chꞌol chic joꞌ li kꞌol ut li terto̱quil pec, chi moco li cha̱bil akꞌej yi̱banbil riqꞌuin li tꞌicr púrpura li nequeꞌrocsi lix reyeb laj Madián. Chi moco queꞌxqꞌue li kꞌol li nequeꞌrocsi saꞌ xcuxeb li camello.