Jueces 8:10 - Li Santil hu

¹⁰ Laj Zeba ut laj Zalmuna cuanqueb saꞌ li naꞌajej Carcor rochbeneb oꞌlaju mil (15,000) lix soldado. Caꞌaj cuiꞌ eb aꞌan li toj yoꞌyo̱queb. Li jun ciento mil riqꞌuin junmay mil chic ac queꞌcamsi̱c saꞌ li ple̱t.

Q'eqchi Bible

¹⁰ Laj Sébaj ut laj Salmuná wankeb' aran Karkor rochb'eeneb' laj puub', wankeb' tana o'laju mil chi winq (15,000): ka'ajwi' eb' a'an li toj yo'yookeb' sa' xyanqeb' laj releb'l saq'e, xb'aan naq wankeb' tana waqk'aal mil (120,000) li ak ke'kamsiik.

Jueces 8:10 ပူးပေါင်းရင်းမြစ်များ

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

2 Reyes 3:26

Nak lix reyeb laj Moab quixqꞌue retal nak incꞌaꞌ quire̱chani li ple̱t, quixcꞌam chirix cuukub ciento li soldado li nequeꞌpletic riqꞌuin chꞌi̱chꞌ re teꞌxic chi pletic riqꞌuin lix reyeb laj Edom. Abanan incꞌaꞌ ajcuiꞌ queꞌru.

Jueces 20:46

Chixjunileb li soldado reheb laj Benjamín li queꞌcamsi̱c saꞌ li cutan aꞌan cuanqueb o̱b xcaꞌcꞌa̱l mil chi cui̱nk, li kꞌaxal cauheb rib chi pletic.

Jueces 20:35

Li Ka̱cuaꞌ quixtenkꞌaheb li ralal xcꞌajol laj Israel chi numta̱c saꞌ xbe̱neb li ralal xcꞌajol laj Benjamín. O̱b xcaꞌcꞌa̱l mil riqꞌuin jun ciento (25,100) lix soldado li ralal xcꞌajol laj Benjamín queꞌcamsi̱c saꞌ li cutan aꞌan.

Jueces 20:25

Ut joꞌcan cuiꞌchic queꞌxcꞌul. Eb li ralal xcꞌajol laj Benjamín queꞌel saꞌ li tenamit Gabaa ut queꞌxcamsiheb cuakxaklaju mil (18,000) chic li soldado li nequeꞌxnau pletic chi us.

Jueces 20:17

Ut eb li cui̱nk aj Israel li queꞌco̱eb chi pletic riqꞌuineb laj Benjamín, cuanqueb ca̱hib ciento mil li cui̱nk li cuanqueb xchꞌi̱chꞌ. Chixjunileb li cui̱nk aꞌan nequeꞌxnau pletic.

Jueces 20:15

Chixjunileb li cui̱nk li queꞌxchꞌutub rib saꞌ xya̱nkeb li ralal xcꞌajol laj Benjamín cuanqueb cuakib xcaꞌcꞌa̱l mil chi cui̱nk cuanqueb xchꞌi̱chꞌ. Ut cuanqueb ajcuiꞌ cuukub ciento li cui̱nk li sicꞌbileb ru saꞌ li tenamit Gabaa.

Jueces 20:2

Queꞌxchꞌutub ajcuiꞌ ribeb chixjunileb li nequeꞌcꞌamoc be saꞌ xya̱nkeb laj Israel. Ut cuanqueb ajcuiꞌ ca̱hib ciento (400,000) mil chi soldado xcomoneb li nequeꞌxic chi rokeb.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

2 Crónicas 28:8

Eb laj Israel queꞌxcꞌam chi pue̱rs cuib ciento mil (200,000) laj Judá, joꞌ ixk ut joꞌ cocꞌal, usta rech tenamitil. Ut nabal ajcuiꞌ li cꞌaꞌak re ru li queꞌre̱chani saꞌ li ple̱t li queꞌxcꞌam Samaria.

2 Crónicas 28:6

Chiru jun cutan li rey Peka li ralal laj Remalías quixcamsiheb aran Judá jun ciento riqꞌuin junmay mil (120,000) chi soldado cauheb xchꞌo̱l chi pletic. Quicꞌulman chi joꞌcan xban nak eb laj Judá queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 13:17

Eb laj Judá queꞌnumta saꞌ xbe̱neb laj Israel ut queꞌxcamsiheb o̱b ciento mil (500,000) li soldado li sicꞌbileb ru.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Jueces 6:5

Nak nequeꞌxic eb laj Madián chixsachbal chixjunil li cꞌaꞌru cuan reheb laj Israel, queꞌxcꞌam chirixeb lix queto̱mk ut eb lix muheba̱l. Chanchaneb laj sa̱cꞌ nak queꞌchal xban nak kꞌaxal cuiꞌchic nabaleb. Incꞌaꞌ naru rajlanquileb chi moco naru rajlanquileb lix camello.

Jueces 8:11

Laj Gedeón rochbeneb lix soldado yo̱queb chi xic saꞌ li be li cuan saꞌ xnuba̱l li chaki chꞌochꞌ li cuan saꞌ xjayal li oriente riqꞌuineb li tenamit Noba ut Jogbeha. Nak ma̱cꞌaꞌ saꞌ xchꞌo̱leb laj Madián, laj Gedeón rochbeneb lix soldado queꞌoc chi pletic riqꞌuineb.

Jueces 7:13

Nak quicuulac aran, laj Gedeón quirabi nak jun li cui̱nk yo̱ chixserakꞌinquil lix matcꞌ re li jun chic. Quixye re: —Joꞌcaꞌin xinmatqꞌue. Saꞌ lin matcꞌ xcuil nak jun li caxlan cua yi̱banbil riqꞌuin cebada yo̱ chak chi tolcꞌoc chiru tzu̱l. Quichal arin saꞌ li kanaꞌaj. Quixtochꞌ jun li kamuheba̱l ut li muheba̱l quitꞌaneꞌ saꞌ chꞌochꞌ, chan.