Jueces 7:22 - Li Santil hu

²² Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Q'eqchi Bible

²² Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

Jueces 7:22 ပူးပေါင်းရင်းမြစ်များ

1 Reyes 4:12

Laj Baana li ralal laj Ahilud quicꞌanjelac saꞌ eb li tenamit Taanac, ut Meguido, ut saꞌ chixjunil li naꞌajej Bet-seán li cuan chixcꞌatk li naꞌajej Saretán, li cuan saꞌ li sur re li tenamit Jezreel. Naticla Bet-seán ut nacuulac toj Abel-mehola ut naxic toj jun pacꞌal Jocmeam.

2 Crónicas 20:23

Eb laj Moab ut eb laj Amón queꞌxjunaji ribeb ut queꞌxcamsiheb laj Seir. Nak ac queꞌxsach ruheb, queꞌxcamsi ribeb chi ribileb rib.

1 Reyes 19:16

Ta̱qꞌue li aceite saꞌ xjolom laj Jehú ralal laj Nimsi re ta̱xakab chokꞌ rey aran Israel. Ut joꞌcan ajcuiꞌ laj Eliseo li ralal laj Safat li cuan aran Abel-mehola. Ta̱qꞌue li aceite saꞌ xjolom re ta̱xakab chokꞌ profeta chokꞌ a̱cue̱kaj la̱at.

Josué 6:20

Eb laj tij queꞌxya̱basi li xucub ut eb li soldado queꞌxjap re. Ut nak queꞌrabi xya̱b li xucub eb li soldados queꞌxjap re chi cau ut quilajeꞌtꞌaneꞌ li tzꞌac li sutsu cuiꞌ li tenamit. Ut eb li soldado saꞌ junpa̱t queꞌoc saꞌ li tenamit ut queꞌre̱chani li naꞌajej.

Isaías 19:2

Li Ka̱cuaꞌ quixye: —La̱in tinchikꞌ xjoskꞌileb laj Egipto re nak teꞌpletik chi ribileb rib. Teꞌxpleti ribeb li ri̱tzꞌineb rib. Ut teꞌxpleti ribeb li rechcabal. Joꞌcan ajcuiꞌ eb li tenamit teꞌxpleti ribeb. Ut eb li cuanqueb xcuanquil teꞌxpleti ribeb.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Salmos 83:9

At inDios, chasacheb ta ru li xicꞌ nequeꞌiloc a̱cue joꞌ nak casacheb ru li cuanqueb Madián ut joꞌ nak casach ru laj Sísara ut laj Jabín aran cuan cuiꞌ li nimaꞌ Cisón.

Josué 6:16

Ut nak eb laj tij queꞌxya̱basi li xucub saꞌ li xcuuk sut, laj Josué quixye reheb lix soldado: —Japomak e̱re xban nak li Ka̱cuaꞌ xkꞌaxtesi saꞌ kukꞌ li tenamit Jericó.

Josué 6:4

Cuukub eb laj tij teꞌxcꞌam junju̱nk xxucubeb li carner re teꞌxya̱basi. Aꞌaneb li teꞌcꞌamok be chiru li Lokꞌlaj Ca̱x. Ut saꞌ lix cuuk li cutan te̱suti rix li tenamit cuukub sut. Ut eb laj tij yo̱keb chixya̱basinquil li xucub.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

1 Samuel 18:19

Abanan nak quicuulac xkꞌehil nak teꞌsumla̱k, laj Saúl quixsumub lix rabin riqꞌuin laj Adriel, Mehola xtenamit.

Ezequiel 38:21

Ut la̱in tinqꞌue chi camsi̱c laj Gog rochbeneb lix soldado saꞌ eb li tzu̱l li cuanqueb saꞌ lin tenamit Israel. Ut eb lix soldado teꞌxcamsi ribeb chi ribileb rib.

Habacuc 3:14

Riqꞌuin ajcuiꞌ lix tzimaj aꞌan, cacamsi laj cꞌamol be saꞌ xya̱nkeb li soldado nak queꞌchal chi numta̱c saꞌ kabe̱n. Chanchan nak nachal li ca̱k-sut-ikꞌ nak queꞌchal chikasachbal. Ut cꞌajoꞌ xsahilal saꞌ xchꞌo̱leb nak queꞌchal chi numta̱c saꞌ kabe̱n la̱o li incꞌaꞌ naru nakacol kib chiruheb.

Hageo 2:22

La̱in tincuisiheb saꞌ lix naꞌajeb li rey ut tincuisi xcuanquileb li xni̱nkal ru tenamit ut tinsach ruheb. Tinsach ru lix carruajeb re pletic ut chixjunileb li nequeꞌxic chi saꞌ. Ut tincamsiheb lix cacua̱y joꞌqueb ajcuiꞌ li nequeꞌxic chirixeb. Ut xjuneseb teꞌxcamsi ribeb chi ribileb rib.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Isaías 9:3

At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Zacarías 14:13

Ut li Ka̱cuaꞌ tixqꞌue jun nimla xiu saꞌ xbe̱neb ut incꞌaꞌ chic teꞌxnau cꞌaꞌru teꞌxba̱nu. Teꞌxtiquib xpletinquil ribeb chi ribileb rib.