Jueces 7:2 - Li Santil hu

² Ut li Ka̱cuaꞌ Dios quixye re laj Gedeón: —Kꞌaxal nabaleb li soldado cuanqueb a̱cuochben. Cui tincanabeb chi numta̱c saꞌ xbe̱neb laj Madián, teꞌxye nak xjuneseb xeꞌxba̱nu ut teꞌxqꞌue xlokꞌal xjuneseb rib ut incꞌaꞌ teꞌxqꞌue inlokꞌal la̱in.

Q'eqchi Bible

² Kixye li Qaawa' re laj Jedehón: “Q'axal naab'aleb' li tenamit neke'ochb'eenink aawe. Wi tinq'axtesiheb' sa' ruq'eb' laj Madián, mare anchal te'xnimob'resi rib' laj Israel ut te'xye naq rik'in li xwankileb' xe'xkol rib'.

Jueces 7:2 ပူးပေါင်းရင်းမြစ်များ

Deuteronomio 8:17

Incꞌaꞌ taxak te̱cꞌoxla nak riqꞌuin le̱ cuanquil ut riqꞌuin le̱ metzꞌe̱u cuan chixjunil li cꞌaꞌru e̱re.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

Romanos 11:18

Joꞌcan nak mexnumta chiru li rukꞌ li cheꞌ li queꞌisi̱c xban nak la̱ex yal rukꞌex ajcuiꞌ li cheꞌ. Chenauhak nak moco la̱ex ta nequexqꞌuehoc xyuꞌam lix xeꞌ li cheꞌ, aban lix xeꞌ naqꞌuehoc e̱yuꞌam la̱ex.

Efesios 2:9

Ma̱ ani chixnimobresi rib xban nak ma̱cuaꞌ xban e̱yehom e̱ba̱nuhom nak colbilex.

Zacarías 12:7

Abanan xbe̱n cua tincoleb li ralal xcꞌajol laj Judá, re nak eb li ralal xcꞌajol laj David li cuanqueb saꞌ li tenamit Jerusalén incꞌaꞌ teꞌxnimobresi ribeb chiruheb aꞌan.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Ezequiel 28:17

Cakꞌetkꞌeti a̱cuib xban la̱ chꞌinaꞌusal ut capoꞌ la̱ naꞌleb xban la̱ lokꞌal. Joꞌcan nak la̱in catincut saꞌ chꞌochꞌ re nak chixjunileb li rey teꞌril li xuta̱nal li xacꞌul.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

Romanos 3:27

¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo.

Habacuc 1:16

Eb laj chapol car nequeꞌxqꞌue xlokꞌal lix yoy ut lix anzuelo. Nequeꞌmayejac ut nequeꞌxcꞌat li pom chiru xban nak riqꞌuin aꞌan nequeꞌxsicꞌ li cꞌaꞌru nequeꞌxtzaca.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Isaías 10:13

Lix reyeb laj Asiria naxye: —Chixjunil li xinba̱nu, xinba̱nu xban nak cuan innaꞌleb ut incuanquil. Xban nak ninnau cꞌoxlac, us xin-el riqꞌuin li xinba̱nu. Xinnumta saꞌ xbe̱neb nabal li tenamit ut xincꞌam chokꞌ cue lix biomaleb. Ut xinmakꞌ lix cuanquileb lix reyeb.

2 Crónicas 14:11

Laj Asa quixya̱ba xcꞌabaꞌ li Ka̱cuaꞌ lix Dios ut quixye re: —At Ka̱cuaꞌ, at inDios, la̱at nacattenkꞌan reheb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Choa̱tenkꞌa, at Ka̱cuaꞌ at kaDios, xban nak a̱cuiqꞌuin cau kachꞌo̱l. Xochal chi pletic riqꞌuineb li cui̱nk aꞌin saꞌ a̱cꞌabaꞌ la̱at. At Ka̱cuaꞌ, la̱at li kaDios. Incꞌaꞌ naru nanumta junak cui̱nk cha̱cuu la̱at, chan.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Génesis 46:2

Chiru li kꞌojyi̱n aꞌan, li Ka̱cuaꞌ Dios quia̱tinac riqꞌuin laj Israel chanchan saꞌ xmatcꞌ. —Jacob, chan li Dios re. —Cueꞌquin, cuanquin arin, chan nak quichakꞌoc laj Israel.

Números 31:4

Ju̱nk mil chi cui̱nk teꞌe̱lk saꞌ li junju̱nk xte̱paleb laj Israel re teꞌxic chi pletic riqꞌuineb, chan.