Jueces 7:19 - Li Santil hu

¹⁹ Ut queꞌcuulac jun pacꞌal lix muheba̱leb laj Madián laj Gedeón rochbeneb li jun ciento chi soldado li queꞌco̱eb chirix. Tuktu kꞌojyi̱n queꞌcuulac laj Gedeón. Tojeꞌ ajcuiꞌ teꞌxjal ribeb li soldado aj Madián li nequeꞌcꞌacꞌalen re li naꞌajej aꞌan. Queꞌxya̱basi lix trompeta laj Gedeón ut eb li rochben ut queꞌxjor li cuc li yo̱queb chixcꞌambal saꞌ rukꞌeb.

Q'eqchi Bible

¹⁹ Laj Jedehón ut eb' li o'k'aal (100) chi winq li koheb' chirix, ke'wulak sa' xmaril li xna'ajeb' laj Madián, tz'aqal sa' xq'ehil xtiklajik li xk'anjeleb' laj k'aak'alenel tuqtu q'oqyink. Toja' naq ke'xyaab'asi li xxukub'eb' ut ke'xjor li xkukeb' wank sa' ruq'eb'.

Jueces 7:19 ပူးပေါင်းရင်းမြစ်များ

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

1 Ts 5:2

La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

San Mateo 25:6

Ut saꞌ tuktu kꞌojyi̱n, queꞌrabi nak yo̱queb chixjapbal reheb li tenamit chixyebal: “Cueꞌ chak li be̱lomej. Ayukex, cꞌulumak chak,” chanqueb.

Salmos 2:9

Cau tattakla̱nk saꞌ xbe̱neb li tenamit xban nak la̱ cuanquil xinqꞌue chanchan jun xukꞌ chꞌi̱chꞌ. Joꞌcan nak tatrakok a̱tin saꞌ xbe̱neb toj retal teꞌosokꞌ. Chanchan nak najoreꞌ junak li chꞌochꞌ cuc nak teꞌosokꞌ,” chan li Ka̱cuaꞌ.

Jueces 7:16

Laj Gedeón quixchꞌutubeb li oxib ciento chi soldado. Oxib chꞌu̱tal quirisiheb. Ut quixqꞌueheb junju̱nk xtrompeta saꞌ rukꞌeb chixjunileb ut quixqꞌue ajcuiꞌ junju̱nk xcuqueb cuan xam chi saꞌ.

Éxodo 14:24

Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Jueces 7:18

Nak tinya̱basi li trompeta la̱in cuochbeneb li cuanqueb cuochben, te̱ya̱basi ajcuiꞌ le̱ re la̱ex li cuanquex chi xjun sutam lix muheba̱leb laj Madián. Ut te̱jap e̱re chixyebal: “Saꞌ xcꞌabaꞌ li Dios ut saꞌ xcꞌabaꞌ ajcuiꞌ laj Gedeón tonumta̱k saꞌ e̱be̱n,” chaꞌkex.—

Jueces 7:20

Ut li oxib chꞌu̱tal chi soldado quilajeꞌxya̱basi lix trompeta ut quilajeꞌxjor lix cuqueb. Saꞌ lix nim ukꞌeb cuan lix trompeta ut saꞌ lix tzꞌe ukꞌeb cuan lix xameb. Ut queꞌxjap reheb chixyebal: —Saꞌ xcꞌabaꞌ li Dios ut saꞌ xcꞌabaꞌ ajcuiꞌ laj Gedeón tonumta̱k saꞌ e̱be̱n, chanqueb.

Salmos 90:4

Relic chi ya̱l cha̱cuu la̱at jun mil chihab chanchan li jun cutan ajcuiꞌ li ac xnumeꞌ. Ut chanchan nak nanumeꞌ cuib oxib o̱r re li kꞌojyi̱n.