Jueces 7:17 - Li Santil hu

¹⁷ Ut quixye reheb: —Te̱qꞌue retal li cꞌaꞌru tinba̱nu la̱in. Nak acak xocuulac cuan cuiꞌ lix muheba̱leb, la̱ex te̱ba̱nu li cꞌaꞌru tinba̱nu la̱in.

Q'eqchi Bible

¹⁷ Ut kixye reheb': “Naq akaq xinwulak sa' xmaril li xna'ajeb' laj Madián, teek'e reetal li k'aru tinb'aanu laa'in ut teeb'aanu wi' chik eere.

Jueces 7:17 ပူးပေါင်းရင်းမြစ်များ

1 Corintios 11:1

Joꞌcan ut nak la̱ex chetzolak e̱rib cuiqꞌuin xban nak la̱in xintzol cuib riqꞌuin li Cristo.

1 Pedro 5:3

Me̱taklaheb saꞌ joskꞌil li kꞌaxtesinbileb e̱re. Te̱taklaheb ban saꞌ xya̱lal. Cha̱bilakex chiruheb re nak teꞌril le̱ cha̱bilal.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Jueces 9:48

Co̱ rochbeneb lix soldado saꞌ li tzu̱l Salmón. Quixchap lix ma̱l laj Abimelec ut quixyocꞌ jun li rukꞌ cheꞌ ut quixqꞌue saꞌ xbe̱n xtel. Quixye reheb li rochben: —Cheba̱nu joꞌ xinba̱nu la̱in. Ut se̱bahomak e̱rib, chan.

Jueces 7:16

Laj Gedeón quixchꞌutubeb li oxib ciento chi soldado. Oxib chꞌu̱tal quirisiheb. Ut quixqꞌueheb junju̱nk xtrompeta saꞌ rukꞌeb chixjunileb ut quixqꞌue ajcuiꞌ junju̱nk xcuqueb cuan xam chi saꞌ.

Jueces 7:18

Nak tinya̱basi li trompeta la̱in cuochbeneb li cuanqueb cuochben, te̱ya̱basi ajcuiꞌ le̱ re la̱ex li cuanquex chi xjun sutam lix muheba̱leb laj Madián. Ut te̱jap e̱re chixyebal: “Saꞌ xcꞌabaꞌ li Dios ut saꞌ xcꞌabaꞌ ajcuiꞌ laj Gedeón tonumta̱k saꞌ e̱be̱n,” chaꞌkex.—