Jueces 7:15 - Li Santil hu

¹⁵ Nak laj Gedeón quirabi lix matcꞌ li cui̱nk ut lix ya̱lal, quixlokꞌoni li Dios. Quisukꞌi cuanqueb cuiꞌ lix muheba̱leb laj Israel. Quixye reheb: —Cuaclinkex chi junpa̱t. Li Ka̱cuaꞌ Dios toxtenkꞌa chi numta̱c saꞌ xbe̱neb lix soldado laj Madián, chan.

Q'eqchi Bible

¹⁵ Naq laj Jedehón kirab'i li xmatk' li winq ut li xyaalal, kixhupub' rib' chi xloq'oninkil li Yos. Chirix chik a'an kisutq'iik sa' xhilob'aaleb' laj Israel ut kixye: “Waklinqex xb'aan naq li Qaawa' ak xq'axtesihom sa' eeruq' li xmuheb'aaleb' laj Madián”, chan.

Jueces 7:15 ပူးပေါင်းရင်းမြစ်များ

Jueces 4:14

Ut lix Débora quixye re laj Barac: —Anakcuan xcuulac xkꞌehil. Ayukex chi pletic xban nak li Ka̱cuaꞌ ac xkꞌaxtesi saꞌ a̱cuukꞌ laj Sísara. Li Ka̱cuaꞌ yo̱ chi tenkꞌa̱nc e̱re, chan. Ut queꞌcube saꞌ li tzu̱l Tabor laj Barac rochbeneb li laje̱b mil chi soldado.

Génesis 41:11

Chi kacabichalo comatqꞌuec saꞌ jun li kꞌojyi̱n ut jalan jala̱nk li kamatcꞌ ut jalan jala̱nk ajcuiꞌ lix ya̱lal.

Génesis 40:8

Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 24:48

Ut la̱in xinxulub lin jolom chixlokꞌoninquil li Ka̱cuaꞌ Dios li naxlokꞌoni laj Abraham lin patrón. Xinbantioxi chiru li Dios nak aꞌan xberesin chak cue ut xcꞌut chicuu ani tzꞌakal ta̱oc chokꞌ rixakil laj Isaac, chan.

Jueces 7:11

Ta̱cuabi nak yo̱keb chi a̱tinac eb laj Madián. Nak ta̱cuabi li cꞌaꞌru yo̱keb chixyebal, ta̱cacuu̱k a̱chꞌo̱l chi pletic riqꞌuineb, chan li Dios. Ut laj Gedeón rochben laj Fura lix mo̱s queꞌco̱eb cuanqueb cuiꞌ lix muheba̱leb laj Madián.

Jueces 7:14

Ut li rochben quixye re: —Aꞌan retalil lix chꞌi̱chꞌ laj Gedeón, li ralal laj Joás laj Israel. Li Ka̱cuaꞌ Dios toxkꞌaxtesi chikajunilo la̱o aj Madián saꞌ rukꞌ aꞌan, chan.

Jueces 7:16

Laj Gedeón quixchꞌutubeb li oxib ciento chi soldado. Oxib chꞌu̱tal quirisiheb. Ut quixqꞌueheb junju̱nk xtrompeta saꞌ rukꞌeb chixjunileb ut quixqꞌue ajcuiꞌ junju̱nk xcuqueb cuan xam chi saꞌ.

Jueces 8:7

Laj Gedeón quixye reheb: —Nak li Ka̱cuaꞌ acak xkꞌaxtesiheb saꞌ kukꞌ laj Zeba ut laj Zalmuna, la̱in tinsukꞌi̱k e̱riqꞌuin ut tinqꞌue e̱lo̱b ut texinrahobtesi riqꞌuin li qꞌuix li nacuan saꞌ li chaki chꞌochꞌ, chan.

Jueces 3:28

Laj Aod quixye reheb: —Tine̱ta̱ke. Li Ka̱cuaꞌ ac xkꞌaxtesi saꞌ kukꞌ eb laj Moab, li xicꞌ nequeꞌiloc ke, chan. Joꞌcan nak eb laj Israel queꞌxta̱ke laj Aod. Li Dios quixtenkꞌaheb chi pletic ut queꞌre̱chani li naꞌajej bar nequeꞌnumeꞌ cuiꞌ jun pacꞌal li nimaꞌ Jordán. Ma̱ jun queꞌxcanab chi numecꞌ jun pacꞌal li nimaꞌ.

1 Samuel 1:28

Joꞌcan nak xinchal chixkꞌaxtesinquil chiru li nimajcual Dios li cꞌulaꞌal aꞌin re ta̱cꞌanjelak chiru joꞌ najtil ta̱cua̱nk saꞌ ruchichꞌochꞌ, chan. Ut queꞌxlokꞌoni li Dios.

1 Samuel 14:12

Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.