Jueces 7:14 - Li Santil hu

¹⁴ Ut li rochben quixye re: —Aꞌan retalil lix chꞌi̱chꞌ laj Gedeón, li ralal laj Joás laj Israel. Li Ka̱cuaꞌ Dios toxkꞌaxtesi chikajunilo la̱o aj Madián saꞌ rukꞌ aꞌan, chan.

Q'eqchi Bible

¹⁴ Ut li rochb'een kixye re: “A'an reetalil li xch'iich' laj Jedehón, ralal laj Johás, laj Israel. Li Yos ak xq'axtesihom chixjunileb' laj Madián rochb'eeneb' li xmuheb'aaleb' sa' ruq' laj Jedehón”, chan.

Jueces 7:14 ပူးပေါင်းရင်းမြစ်များ

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Números 23:20

Xinixtakla chirosobtesinquileb li tenamit. Xrosobtesiheb laj Israel ut la̱in incꞌaꞌ naru tinjal li cꞌaꞌru quixye li Dios.

Números 23:5

Li Ka̱cuaꞌ quixye re laj Balaam cꞌaꞌru tixye re laj Balac. Quixye re: —Ayu cuan cuiꞌ laj Balac ut ta̱ye re li cꞌaꞌru xinye a̱cue, chan.

Números 22:38

Quichakꞌoc laj Balaam ut quixye: —Arin cuanquin anakcuan. Abanan incꞌaꞌ naru tina̱tinak yal injunes. Tento nak tinye li cꞌaꞌru naxcꞌut chicuu li Ka̱cuaꞌ, chan.

Jueces 7:13

Nak quicuulac aran, laj Gedeón quirabi nak jun li cui̱nk yo̱ chixserakꞌinquil lix matcꞌ re li jun chic. Quixye re: —Joꞌcaꞌin xinmatqꞌue. Saꞌ lin matcꞌ xcuil nak jun li caxlan cua yi̱banbil riqꞌuin cebada yo̱ chak chi tolcꞌoc chiru tzu̱l. Quichal arin saꞌ li kanaꞌaj. Quixtochꞌ jun li kamuheba̱l ut li muheba̱l quitꞌaneꞌ saꞌ chꞌochꞌ, chan.

Jueces 7:15

Nak laj Gedeón quirabi lix matcꞌ li cui̱nk ut lix ya̱lal, quixlokꞌoni li Dios. Quisukꞌi cuanqueb cuiꞌ lix muheba̱leb laj Israel. Quixye reheb: —Cuaclinkex chi junpa̱t. Li Ka̱cuaꞌ Dios toxtenkꞌa chi numta̱c saꞌ xbe̱neb lix soldado laj Madián, chan.

Jueces 3:28

Laj Aod quixye reheb: —Tine̱ta̱ke. Li Ka̱cuaꞌ ac xkꞌaxtesi saꞌ kukꞌ eb laj Moab, li xicꞌ nequeꞌiloc ke, chan. Joꞌcan nak eb laj Israel queꞌxta̱ke laj Aod. Li Dios quixtenkꞌaheb chi pletic ut queꞌre̱chani li naꞌajej bar nequeꞌnumeꞌ cuiꞌ jun pacꞌal li nimaꞌ Jordán. Ma̱ jun queꞌxcanab chi numecꞌ jun pacꞌal li nimaꞌ.

1 Samuel 14:12

Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.