Jueces 7:1 - Li Santil hu

¹ Quicuacli toj ekꞌela laj Gedeón, li nequeꞌxye ajcuiꞌ Jerobaal re. Ut chixjunileb li queꞌco̱eb chirix queꞌxchꞌutub ribeb cuan cuiꞌ li yuꞌam haꞌ Harod. Lix muheba̱leb laj Madián cuan saꞌ li norte jun pacꞌal li tzu̱l More saꞌ li ru takꞌa.

Q'eqchi Bible

¹ Kiwakliik toj eq'la laj Jedehón (li Yerubahal ajwi' nayeemank re) jo'wi' chixjunileb' li tenamit li rochb'eeneb', ut koxe'hilanq chi xk'atq En-Jarod. Li xmuheb'aaleb' laj Madián wankeb' chaq sa' xjayal releb'l iq', chi xtoon li tzuul Moré, sa' li taq'a ru.

Jueces 7:1 ပူးပေါင်းရင်းမြစ်များ

Jueces 6:32

Chalen saꞌ li cutan aꞌan “Jerobaal” quiyeheꞌ re laj Gedeón xban nak saꞌ li a̱tinoba̱l hebreo, aꞌan naraj naxye: “Laj Baal, aꞌan li tixyal xcolbal rib”. Queꞌxye chi joꞌcan xban nak laj Gedeón, aꞌan li quijucꞌuc re lix artal.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Génesis 12:6

Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

Josué 6:12

Joꞌ cuulajak chic laj Josué quicuacli toj ekꞌela ut eb laj tij queꞌxcꞌam lix Lokꞌlaj Ca̱x li Ka̱cuaꞌ.

Josué 3:1

Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.

Deuteronomio 11:30

Eb li tzu̱l aꞌin cuanqueb jun pacꞌal li nimaꞌ Jordán saꞌ xjayal li na-oc cuiꞌ li sakꞌe saꞌ li ru takꞌa Arabá li cuanqueb cuiꞌ eb laj cananeo. Nachꞌ cuanqueb riqꞌuineb li ni̱nki ji re More chiru li tenamit Gilgal.

Génesis 22:3

Joꞌ cuulajak chic nak toj ekꞌela laj Abraham quicuacli. Quixqꞌue rix lix bu̱r. Ut quixyocꞌ lix siꞌ. Ut co̱ saꞌ li naꞌajej li quiyeheꞌ re xban li Dios. Quixcꞌam li ralal chirix nak co̱ ut quixcꞌam ajcuiꞌ cuib lix mo̱s li toj sa̱jeb.

Jueces 6:40

Ut saꞌ li kꞌojyi̱n aꞌan li Dios quixba̱nu joꞌ quixtzꞌa̱ma laj Gedeón. Li rix li xul incꞌaꞌ quitꞌaka. Caꞌaj cuiꞌ li chꞌochꞌ chi xjun sutam quitꞌaka.

Jueces 8:29

Laj Gedeón li ralal laj Joás, li nequeꞌxye ajcuiꞌ Jerobaal re, quisukꞌi saꞌ li rochoch ut aran quicana chi cua̱nc.

1 Samuel 12:11

Ut li Ka̱cuaꞌ quixtaklaheb laj Jerobaal, laj Barac, laj Jefté, ut laj Samuel che̱tenkꞌanquil re texcolekꞌ chiruheb li xicꞌ nequeꞌiloc e̱re ut quexcuan chi ma̱cꞌaꞌ chic e̱cꞌaꞌux.

2 Samuel 23:25

laj Sama, Harod xtenamit; laj Elica, Harod xtenamit;

Salmos 83:9

At inDios, chasacheb ta ru li xicꞌ nequeꞌiloc a̱cue joꞌ nak casacheb ru li cuanqueb Madián ut joꞌ nak casach ru laj Sísara ut laj Jabín aran cuan cuiꞌ li nimaꞌ Cisón.

Jueces 6:33

Queꞌxjunaji ribeb li ralal xcꞌajol laj Madián ut eb li ralal xcꞌajol laj Amalec, joꞌ eb ajcuiꞌ chixjunileb li cuanqueb saꞌ li oriente ut coleꞌxyi̱b lix muheba̱leb saꞌ li ru takꞌa re Jezreel li cuan jun pacꞌal li nimaꞌ Jordán.

1 Samuel 29:1

Eb laj filisteo queꞌxchꞌutub lix solda̱deb aran Afec ut eb laj Israel cuanqueb aran Jezreel cuan cuiꞌ li yuꞌam haꞌ.