Jueces 6:4 - Li Santil hu

⁴ Nequeꞌxyi̱b lix muheba̱leb ut nequeꞌcuan aran. Nequeꞌxsach ru chixjunil li racui̱mkeb laj Israel nacuulac toj saꞌ li naꞌajej Gaza. Ut nequeꞌcꞌameꞌ eb lix carner, eb lix bu̱r, ut eb lix cuacaxeb laj Israel. Ut nequeꞌcanaba̱c chi ma̱cꞌaꞌ xtzacae̱mkeb.

Q'eqchi Bible

⁴ neke'hilank sa' li xch'och'eb' ut neke'xsach li rawimqeb' toj nawulak sa' li tenamit Gasa. Ink'a' neke'xkanab' xtzekemqeb' laj Israel, chi moko xkarneereb', xb'ooyxeb', chi moko xb'uureb'.

Jueces 6:4 ပူးပေါင်းရင်းမြစ်များ

Levítico 26:16

la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Deuteronomio 28:51

Eb aꞌan teꞌxtzacaheb li ral le̱ queto̱mk joꞌ ajcuiꞌ li ru le̱ racui̱mk. Ma̱cꞌaꞌak chic le̱ trigo, chi moco le̱ vino, chi moco le̱ aceite. Ut ma̱cꞌaꞌak chic le̱ cuacax chi moco le̱ carner toj retal tex-osokꞌ xban cueꞌej.

Miqueas 6:15

Tex-a̱uk, abanan incꞌaꞌ texkꞌolok. Te̱yatzꞌ li ru le̱ cheꞌ olivo, abanan incꞌaꞌ te̱yul lix aceitil che̱rix. Te̱yatzꞌ le̱ uva abanan incꞌaꞌ te̱rucꞌ li xyaꞌal.

Deuteronomio 28:33

Ut li jalaneb xtenamit tixmakꞌ che̱ru le̱ racui̱mk li xetacuasi e̱rib xcꞌanjelanquil. Xicꞌ chic tex-ilekꞌ ut junes raylal chic te̱cꞌul.

Proverbios 28:3

Nak nachal li cacuil hab saꞌ xbe̱n li acui̱mk, nasach ruheb li acui̱mk. Joꞌcan ajcuiꞌ li incꞌaꞌ useb xnaꞌleb nak nequeꞌxrahobtesiheb li nebaꞌ.

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

Abdías 1:5

Li Ka̱cuaꞌ quixye: —Us raj chokꞌ e̱re nak aj e̱lkꞌ ta teꞌcha̱lk chiru kꞌojyi̱n chi elkꞌa̱c e̱riqꞌuin. Teꞌxcꞌam raj caꞌaj cuiꞌ li joꞌ qꞌuial teꞌraj. Ut cui teꞌxsicꞌ li ru li uvas, ¿ma incꞌaꞌ ta biꞌ teꞌxcanab raj caꞌchꞌinak chic e̱re? Abanan, eb li xicꞌ nequeꞌiloc e̱re, teꞌcha̱lk ut teꞌxsach e̱ru chi junaj cua.

Jueces 6:3

Rajlal nak eb laj Israel yo̱queb chi a̱uc, eb laj Madián, ut eb laj Amalec rochbeneb li cuanqueb saꞌ li oriente queꞌxjunaji ribeb, ut queꞌco̱eb chi pletic riqꞌuineb laj Israel.

Jeremías 5:17

Aꞌaneb chic teꞌyalok xsahil ru le̱ racui̱mk. Ut aꞌaneb chic li teꞌtzaca̱nk re le̱ tzacae̱mk. Teꞌxcamsiheb le̱ ralal e̱cꞌajol. Ut teꞌxcamsi le̱ carner re teꞌxtiu joꞌ ajcuiꞌ le̱ cuacax. Ut teꞌxtzaca li ru le̱ uvas joꞌ ajcuiꞌ li ru le̱ higo. Teꞌsachekꞌ ruheb li tenamit li cauresinbil chi us re te̱col cuiꞌ e̱rib, li cꞌojcꞌo cuiꞌ e̱chꞌo̱l.