Jueces 6:38 - Li Santil hu

³⁸ Ut li Dios quixba̱nu joꞌ quixtzꞌa̱ma laj Gedeón. Nak quisake̱u, laj Gedeón quixtau li rix li xul chi tꞌaktꞌak. Quixyatzꞌ li rix li xul ut jun secꞌ li haꞌ quirisi saꞌ li rix.

Q'eqchi Bible

³⁸ Ut jo'kan kik'ulmank. Laj Jedehón toj eq'la kiwakliik, kixyatz' li rix li karneer, ut jun sek' chi ha' kirisi sa' li rix.

Jueces 6:38 ပူးပေါင်းရင်းမြစ်များ

Isaías 35:7

Li naꞌajej li chaki ru ta̱sukꞌisi̱k chokꞌ xnaꞌaj haꞌ. Ta̱e̱lk li yuꞌam haꞌ yalak bar. Ut saꞌ li naꞌajej li queꞌcuan cuiꞌ laj xoj ta̱cua̱nk chic li pachꞌayaꞌ ut li caxlan aj ut ta̱cua̱nk ajcuiꞌ li bayal.

Levítico 1:15

Laj tij tixcꞌam ut ta̱risi lix jolom ut tixcꞌat saꞌ li artal. Lix quiqꞌuel ta̱hoyekꞌ chixcꞌatk li artal.

Jueces 6:37

La̱in tinqꞌue jun rix li carner saꞌ li naꞌajej bar nequeꞌxpuxi cuiꞌ ru li trigo. Cui tꞌaktꞌakak rix li xul nak ta̱sake̱uk ut incꞌaꞌ ta̱tꞌaka̱k li chꞌochꞌ chi xjun sutam li rix li xul, aꞌanak li retalil chicuu nak la̱at tattenkꞌa̱nk cue chixcolbaleb laj Israel joꞌ xaye, chan laj Gedeón.

Jueces 6:39

Ut laj Gedeón quixye cuiꞌchic re li Dios: —Chacuy inma̱c, at inDios. Incꞌaꞌ taxak tatjoskꞌokꞌ cuiqꞌuin. Tintzꞌa̱ma cha̱cuu nak ta̱cꞌut jun chic li retalil chicuu. Tinqꞌue cuiꞌchic li rix li carner. Ut anakcuan nacuaj nak incꞌaꞌ ta̱tꞌaka̱k li rix li carner. Caꞌaj cuiꞌ chi xjun sutam ta̱tꞌakresi li chꞌochꞌ, chan laj Gedeón re li Dios.