Jueces 6:34 - Li Santil hu

³⁴ Ut lix musikꞌ li Ka̱cuaꞌ quichal riqꞌuin laj Gedeón ut quixcꞌut chiru cꞌaꞌru tixba̱nu. Joꞌcan nak laj Gedeón quixya̱basi lix xucub re xbokbaleb chixjunileb li ralal xcꞌajol laj Abiezer.

Q'eqchi Bible

³⁴ Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

Jueces 6:34 ပူးပေါင်းရင်းမြစ်များ

2 Crónicas 24:20

Ut lix musikꞌ li Dios quichal riqꞌuin laj Zacarías li ralal laj Joiada laj tij. Ut laj Zacarías quixakli saꞌ jun li naꞌajej najt xteram ut quixye reheb li tenamit: —Joꞌcaꞌin xye e̱re li Ka̱cuaꞌ. “¿Cꞌaꞌut nak incꞌaꞌ nequeba̱nu li cꞌaꞌru naxye lix chakꞌrab li Ka̱cuaꞌ? Incꞌaꞌ us tex-e̱lk. Xetzꞌekta̱na li Ka̱cuaꞌ. Joꞌcan nak li Ka̱cuaꞌ xextzꞌekta̱na ajcuiꞌ la̱ex,” chan.

1 Crónicas 12:18

Quichal lix musikꞌ li Dios riqꞌuin laj Amasai li nataklan saꞌ xbe̱neb li laje̱b xcaꞌcꞌa̱l chi cui̱nk. Ut laj Amasai quixye: —Chicua̱nk taxak li tuktu̱quil usilal a̱cuiqꞌuin, at David. La̱at li ralal laj Isaí. Chicua̱nk taxak li tuktu̱quilal a̱cuiqꞌuin la̱at joꞌ ajcuiꞌ riqꞌuineb li yo̱queb chi tenkꞌa̱nc a̱cue xban nak li Ka̱cuaꞌ cuan a̱cuiqꞌuin, chan re. Chirix aꞌan laj David quixcꞌuleb ut quixqꞌueheb saꞌ xya̱nkeb li nequeꞌtaklan saꞌ xbe̱neb lix soldado.

Jueces 3:27

Nak quicuulac saꞌ lix naꞌajeb li ralal xcꞌajol laj Efraín, li tzu̱l ru, laj Aod quixya̱basi li trompeta re xbokbaleb laj Israel. Ut chixjunileb queꞌco̱eb chirix. Laj Aod yo̱ chi cꞌamoc be chiruheb.

Jueces 3:10

Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

Gálatas 3:27

La̱ex xecꞌul li cubi haꞌ ut rehex chic li Cristo. Jalbil chic le̱ yuꞌam ut cha̱bil chic le̱ naꞌleb saꞌ xcꞌabaꞌ li Jesucristo.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

1 Samuel 16:14

Ut incꞌaꞌ chic quicuan lix musikꞌ li Dios riqꞌuin laj Saúl. Li Dios quixtakla jun li ma̱us aj musikꞌej chixchꞌiꞌchꞌiꞌinquil.

1 Samuel 11:6

Laj Saúl quirecꞌa nak lix musikꞌ li Dios quichal saꞌ xbe̱n ut cꞌajoꞌ nak quijoskꞌoꞌ nak quirabi li queꞌxye li takl.

1 Samuel 10:6

Ut la̱at ta̱cuecꞌa lix cuanquil lix musikꞌ li Dios nak ta̱cha̱lk saꞌ a̱be̱n. Tat-oc chi lokꞌoni̱nc rochbeneb. Ut chalen saꞌ li cutan aꞌan jalanak chic la̱ naꞌleb.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

Jueces 14:19

Ut lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Co̱ saꞌ li tenamit Ascalón. Aran quixcamsi laje̱b xcaꞌcꞌa̱l chi cui̱nk ut quixcꞌam li cha̱bil akꞌ li cuan chirixeb. Ut coxqꞌue li rakꞌ reheb li cui̱nk li queꞌyehoc cꞌaꞌru lix ya̱lal li serakꞌ li quixye. Chirix aꞌan co̱ cuiꞌchic saꞌ rochoch ut cꞌajoꞌ lix joskꞌil xban li cꞌaꞌru quicꞌulman.

Jueces 13:25

Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Jueces 8:2

Ut laj Gedeón quixye reheb: —¿Cꞌaꞌru xinba̱nu la̱in? ¿Ma ma̱cuaꞌ ta biꞌ la̱ex nabal xeba̱nu chiku la̱o? La̱o caꞌchꞌin ajcuiꞌ xkaba̱nu. Abanan la̱ex nabal xeba̱nu.

Jueces 6:11

Ut quichal lix ángel li Ka̱cuaꞌ ut quicꞌojla rubel jun to̱n li ji cuan saꞌ li tenamit Ofra. Li naꞌajej aꞌan re laj Joás xcomoneb li ralal xcꞌajol laj Abiezer. Laj Gedeón, li ralal laj Joás, yo̱ chixpuxinquil ru li trigo saꞌ li naꞌajej bar nequeꞌxyatzꞌ cuiꞌ li uvas re nak incꞌaꞌ ta̱ilekꞌ xbaneb laj Madián.

Josué 17:2

Ut queꞌbu̱lic ajcuiꞌ chirix li naꞌajej li teꞌxcꞌul li jun chꞌol chic li ralal xcꞌajol laj Manasés, aꞌ yal chanru xqꞌuialeb li junju̱nk chꞌu̱tal. Aꞌaneb aꞌin li queꞌcꞌuluc re li naꞌajej li cuan jun pacꞌal li nimaꞌ Jordán saꞌ li oeste: laj Abiezer, laj Helec, laj Asriel, laj Siquem, laj Hefer, ut laj Semida. Eb li cui̱nk aꞌin, aꞌaneb li ralal laj Manasés ut lix yucuaꞌchineb, aꞌan laj José. Ut eb aꞌan queꞌcuan ralal xcꞌajol.

Números 10:3

Nak teꞌya̱basi̱k li cuib chi trompeta, chixjunileb laj Israel teꞌxchꞌutub ribeb cha̱cuu chiru li oqueba̱l re li tabernáculo.

1 Samuel 13:3

Laj Jonatán quixcamsiheb jun chꞌu̱tal chi xsoldado laj filisteo aran Gabaa. Ut eb laj filisteo queꞌrabi resil. Tojoꞌnak laj Saúl quixtakla xya̱basinquil li trompeta saꞌ chixjunil li tenamit re nak chixjunileb teꞌxnau cꞌaꞌru quicꞌulman.

1 Crónicas 12:19

Cuanqueb ajcuiꞌ xcomoneb li ralal xcꞌajol laj Manasés queꞌco̱eb riqꞌuin laj David nak yo̱ chi xic rochbeneb laj filisteo chi pletic riqꞌuineb lix soldado laj Saúl. Abanan laj David incꞌaꞌ quixtenkꞌaheb xban nak eb li nequeꞌtaklan saꞌ xbe̱neb lix soldado laj filisteo incꞌaꞌ queꞌraj nak ta̱xic chirixeb chi pletic. Queꞌxcꞌoxla nak ma̱re tixjunaji rib riqꞌuin lix soldado laj Saúl.