Jueces 6:30 - Li Santil hu

³⁰ Ut eb li cui̱nk li cuanqueb saꞌ li tenamit aꞌan queꞌxye re laj Joás: —Cꞌam chak la̱ cualal kiqꞌuin. Takacamsi xban nak aꞌan quixjucꞌ lix artal li dios Baal ut quixyocꞌ ajcuiꞌ li cheꞌ re li dios Asera li cuan chixcꞌatk li artal, chanqueb.

Q'eqchi Bible

³⁰ Eb' li poyanam li wankeb' sa' li tenamit a'an ke'xye re laj Johás: “Isi qe laawalal ut chikamq, xb'aan naq xjuk' li x'artal laj Bahal ut xyok' li loq'laj che' li wank chi xk'atq”, chankeb' re.

Jueces 6:30 ပူးပေါင်းရင်းမြစ်များ

Filipenses 3:6

Xinqꞌue inchꞌo̱l chixba̱nunquil chixjunil li chakꞌrab li nequeꞌxba̱nu laj fariseo toj retal nak quinrahobtesiheb laj pa̱banel. Chiruheb laj fariseo ma̱cꞌaꞌ inma̱c xban nak xinba̱nu chixjunil li tzꞌi̱banbil saꞌ li chakꞌrab.

Hechos 26:9

Ya̱l nak junxil la̱in xincꞌoxla nak us xrahobtesinquileb li nequeꞌxpa̱b li Jesús aj Nazaret.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

Jeremías 50:38

Telajeꞌchakik chixjunil li haꞌ li cuan aran xban nak li tenamit aꞌan xnaꞌajeb li jalanil dios. Xban lix dioseb xeꞌtontoꞌ xjolomeb laj Babilonia.

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Jueces 6:29

Queꞌxye chiribileb rib: —¿Ani xba̱nun re aꞌin? chanqueb. Queꞌtzꞌiloc a̱tin chirix toj retal queꞌxnau nak laj Gedeón li ralal laj Joás, aꞌan li quiba̱nun re.

Jueces 6:31

Laj Joás quixye reheb li cui̱nk li yo̱queb chi sutuc re: —¿Ma tex-oque̱nk chirix laj Baal? ¿Ma te̱yal xcolbal rix? Li ani tixyal xcolbal rix camenak chic nak ta̱sake̱uk cuulaj. Cui ya̱l nak Dios laj Baal, chixcolak rib chiruheb li queꞌjucꞌuc re lix artal, chan laj Joás.