Jueces 6:21 - Li Santil hu

²¹ Ut li ángel quixchꞌeꞌ li tib ut li caxlan cua riqꞌuin li ruꞌuj li xukꞌ li cuan saꞌ rukꞌ. Ut quiloch xxamlel li pec ut quixcꞌat li tib ut li caxlan cua. Ut incꞌaꞌ chic qui-ileꞌ ru li ángel xban laj Gedeón.

Q'eqchi Bible

²¹ Toja' naq li x'ánjel li Qaawa' kixch'e' li tib' ut li k'uluj rik'in ru'uj li xuq' li wank sa' ruq', ut sa' junpaat ki'elk chaq xam sa' li pek, kixk'at li tib' ut li k'uluj, ut li x'ánjel li Qaawa' sachaamil chiru.

Jueces 6:21 ပူးပေါင်းရင်းမြစ်များ

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

2 Crónicas 7:1

Nak quirakeꞌ chi tijoc laj Salomón, quicube chak li xam saꞌ choxa ut quixcꞌat li xul li queꞌxmayeja ut li templo quinujac riqꞌuin lix lokꞌal li nimajcual Dios.

1 Reyes 18:38

Saꞌ li ho̱nal aꞌan li Ka̱cuaꞌ quixtakla chak li xam. Quixcꞌat li mayej, ut quixcꞌat li siꞌ ut li pec joꞌ ajcuiꞌ li poks ut li haꞌ li cuan saꞌ li rok haꞌ, li quixyi̱b chi xjun sutam li artal.

1 Crónicas 21:26

Laj David quixyi̱b li artal saꞌ li naꞌajej aꞌan re xlokꞌoninquil li Dios. Quixqꞌue lix mayej re xcꞌambal rib saꞌ usilal riqꞌuin li Dios ut quixqꞌue lix cꞌatbil mayej. Ut quixya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi li cꞌaꞌru quixtzꞌa̱ma chiru ut quixtakla chak li xam saꞌ choxa saꞌ li artal.

Jueces 13:20

Nak yo̱ chi cꞌatc li mayej saꞌ li artal, laj Manoa ut li rixakil queꞌril lix ángel li Dios yo̱ chi takecꞌ saꞌ choxa saꞌ xxamlel li mayej. Laj Manoa ut li rixakil queꞌxhupub ribeb saꞌ chꞌochꞌ.

Jueces 6:20

Ut lix ángel li Ka̱cuaꞌ quixye re: —Qꞌue li tib ut li caxlan cua saꞌ xbe̱n li pec aꞌin ut ta̱hoy li caldo saꞌ xbe̱n, chan. Ut laj Gedeón quixba̱nu joꞌ quiyeheꞌ re.

Jueces 13:19

Joꞌcan nak laj Manoa quixcꞌam li chiba̱t ut quixcꞌam ajcuiꞌ li ru li racui̱mk ut quixmayeja saꞌ xbe̱n jun li pec chiru li Ka̱cuaꞌ Dios. Ut li Ka̱cuaꞌ quixcꞌutbesi jun li milagro chiruheb laj Manoa ut li rixakil.

Isaías 38:7

Laj Isaías quixye: —Aꞌan aꞌin li retalil li tixqꞌue li Ka̱cuaꞌ re nak ta̱nau nak tixba̱nu li cꞌaꞌru naxye.