Jueces 6:2 - Li Santil hu

² Eb laj Madián cꞌajoꞌ nak queꞌxrahobtesiheb laj Israel. Joꞌcan nak eb laj Israel queꞌxmuk ribeb saꞌ eb li ochoch pec ut saꞌ eb li tzu̱l. Queꞌxyi̱b lix muheba̱leb saꞌ eb li naꞌajej bar incꞌaꞌ teꞌtaꞌekꞌ cuiꞌ.

Q'eqchi Bible

² K'ajo' naq eb' laj Madián ke'xrahob'tesiheb' laj Israel! Jo'kan naq eb' a'in ke'xmuq chaq rib' sa' xyanqeb' li tzuul, sa'eb' li ochoch pek ut sa'eb' li xaqxookil b'ool, re xkolb'al rib'eb' chiruheb' laj Madián.

Jueces 6:2 ပူးပေါင်းရင်းမြစ်များ

Hebreos 11:38

Ma̱cuaꞌ raj xcꞌulubeb li incꞌaꞌ useb xnaꞌleb nak teꞌcua̱nk laj pa̱banel saꞌ xya̱nkeb. Xban nak queꞌrahobtesi̱c, eb laj pa̱banel quilajeꞌe̱lelic chiruheb ut queꞌcuan yalak bar saꞌ li chaki chꞌochꞌ, saꞌ tzu̱l, ut queꞌcuan ajcuiꞌ saꞌ li ochoch pec.

1 Samuel 13:6

Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

Apocalipsis 6:15

Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

1 Samuel 14:11

Joꞌcan nak queꞌco̱eb ut queꞌxcꞌut ribeb chiruheb laj filisteo. Ut eb laj filisteo queꞌxye: —¡Ilomakeb! Eb laj Israel yo̱queb chi e̱lc saꞌ li ochoch pec li queꞌxmuk cuiꞌ ribeb, chanqueb.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Jueces 6:3

Rajlal nak eb laj Israel yo̱queb chi a̱uc, eb laj Madián, ut eb laj Amalec rochbeneb li cuanqueb saꞌ li oriente queꞌxjunaji ribeb, ut queꞌco̱eb chi pletic riqꞌuineb laj Israel.

Jeremías 41:9

Lix julel haꞌ li quixcuteb cuiꞌ li camenak laj Ismael, aꞌan li haꞌ li quixtakla xbecbal li rey Asa nak yo̱ chixcolbal rib chiru laj Baasa lix reyeb laj Israel. Usta nimla jul, abanan quinujac riqꞌuineb li cui̱nk li quixcamsiheb laj Ismael.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Jueces 10:8

Eb laj filisteo ut eb laj Amón queꞌnumta saꞌ xbe̱neb. Cuakxaklaju chihab queꞌrahobtesi̱c laj Israel aran Galaad jun pacꞌal li nimaꞌ Jordán saꞌ xnaꞌajeb laj amorreo.

Jueces 10:9

Ut eb laj Amón queꞌnumeꞌ jun pacꞌal li nimaꞌ Jordán chi pletic riqꞌuineb li ralal xcꞌajol laj Judá, ut eb li ralal xcꞌajol laj Benjamín, joꞌ ajcuiꞌ li ralal xcꞌajol laj Efraín. Ut kꞌaxal ra queꞌxcꞌul eb laj Israel.

Li xHu LAJ JOB 30:6

Nequeꞌxic chi cua̱nc saꞌ eb li ochoch pec. Ut nequeꞌxbec li jul saꞌ eb li u̱l re teꞌcua̱nk.