Jueces 6:16 - Li Santil hu

¹⁶ Ut li Ka̱cuaꞌ quixye re: —La̱in cua̱nkin a̱cuiqꞌuin. La̱at tatnumta̱k saꞌ xbe̱neb laj Madián. Chanchanakeb jun chi cui̱nk nak ta̱sacheb ru, chan li Ka̱cuaꞌ.

Q'eqchi Bible

¹⁶ Kixye li Qaawa' re: “Laa'in wanqin aawik'in ut laa'at taaq'axeb' ru laj Madián. Chanchanaqeb' jun chi winq naq taasacheb' ru”, chan.

Jueces 6:16 ပူးပေါင်းရင်းမြစ်များ

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Hechos 11:21

Li Ka̱cuaꞌ Jesús quixtenkꞌaheb riqꞌuin xnimal xcuanquil ut nabaleb queꞌxpa̱b li Ka̱cuaꞌ Jesús.

San Marcos 16:20

Ut eb lix tzolom queꞌco̱eb saꞌ chixjunil li naꞌajej chixchꞌolobanquil xya̱lal li colba-ib. Ut li Ka̱cuaꞌ yo̱ chi tenkꞌa̱nc reheb. Ut qꞌuebil xcuanquil li ra̱tineb xban li Dios riqꞌuin li milagro quilajeꞌxba̱nu chiruheb li tenamit. Joꞌcan taxak.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Jueces 6:12

Quixcꞌutbesi rib lix ángel li Ka̱cuaꞌ chiru laj Gedeón ut quixye re: —At cui̱nk, li Ka̱cuaꞌ cuan a̱cuiqꞌuin. La̱at cau a̱chꞌo̱l ut cau a̱cuib, chan.

Jueces 6:36

Laj Gedeón quixye re li Dios: —Cui ya̱l nak la̱at tattenkꞌa̱nk cue chixcolbaleb laj Israel, cꞌut chicuu junak li retalil.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.

Josué 10:8

Ut li Ka̱cuaꞌ quixye re laj Josué: —Matxucuac chiruheb aꞌan xban nak la̱in tinkꞌaxtesiheb saꞌ a̱cuukꞌ ut ma̱ jun reheb aꞌan teꞌnumta̱k saꞌ a̱be̱n, chan li Ka̱cuaꞌ.

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Li xHu LIX RUT 2:4

Saꞌ li ho̱nal aꞌan laj Booz quicꞌulun chak Belén ut quixqꞌue xsahil xchꞌo̱leb laj sicꞌol cebada ut quixye reheb: —Li Ka̱cuaꞌ taxak chicua̱nk e̱riqꞌuin, chan. Ut eb aꞌan queꞌchakꞌoc ut queꞌxye re: —Li Ka̱cuaꞌ taxak chi-osobtesi̱nk a̱cue la̱at, chanqueb.