Jueces 6:15 - Li Santil hu

¹⁵ Quichakꞌoc laj Gedeón ut quixye: —Chacuy inma̱c, at Ka̱cuaꞌ. ¿Chan ta cuiꞌ ru nak tincoleb li tenamit Israel? Lin naꞌ inyucuaꞌ, aꞌaneb li kꞌaxal nebaꞌeb saꞌ xya̱nkeb li ralal xcꞌajol laj Manasés. Ut la̱in caꞌchꞌin incuanquil saꞌ xya̱nkeb li cuanqueb saꞌ rochoch lin yucuaꞌ, chan.

Q'eqchi Bible

¹⁵ Kichaq'ok laj Jedehón ut kixye: “Chinaakuy, at inQaawa'. Chanru naq tinkoleb' li tenamit Israel? Linjunkab'al, a'an li jwal kach'in sa' xyanqeb' laj Manasés, ut laa'in xch'iip li xjunkab'al linyuwa'”.

Jueces 6:15 ပူးပေါင်းရင်းမြစ်များ

1 Samuel 9:21

Laj Saúl quixye re: —La̱in xcomoneb li ralal xcꞌajol laj Benjamín, li incꞌaꞌ qꞌuiheb saꞌ xya̱nkeb laj Israel. Ut la̱o li ralal xcꞌajol li kayucuaꞌ, ma̱cꞌaꞌ kacuanquil saꞌ xya̱nkeb chixjunileb li ralal xcꞌajol laj Benjamín. ¿Cꞌaꞌut nak nacaye cue chixjunil aꞌin? chan.

Éxodo 3:11

Ut laj Moisés quichakꞌoc ut quixye re li Dios: —¿Ma cuan ta biꞌ incuanquil la̱in nak tinxic riqꞌuin laj faraón ut tincuisiheb chak laj Israel? chan.

Éxodo 4:10

Tojoꞌnak quichakꞌoc laj Moisés ut quixye: —At Ka̱cuaꞌ, la̱in chꞌaꞌaj li a̱tinac chicuu. Ac cue nak incꞌaꞌ ninnau a̱tinac chalen chak saꞌ incaꞌchꞌinal. Ut chalen ajcuiꞌ anakcuan nak yo̱cat chicua̱tinanquil incꞌaꞌ ninnau a̱tinac, chan laj Moisés.

Jeremías 1:6

Ut la̱in quinchakꞌoc ut quinye: —At inDios, ¿cꞌaꞌru tinba̱nu? La̱in incꞌaꞌ ninnau a̱tinac xban nak toj sa̱jin, chanquin.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

1 Corintios 15:9

La̱in cubenak incuanquil chiruheb chixjunileb li apóstol ut ma̱cuaꞌ raj incꞌulub nak la̱inak apóstol xban nak la̱in xinrahobtesiheb chak laj pa̱banel.

San Lucas 1:34

Quichakꞌoc lix María ut quixye: —¿Chanru nak ta̱cua̱nk incꞌulaꞌal xban nak la̱in moco cuanquin ta riqꞌuin cui̱nk? chan lix María.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Jeremías 50:45

Abihomak li cꞌaꞌru quixcꞌu̱b ru xba̱nunquil reheb laj Babilonia li Ka̱cuaꞌ. Abihomak li cꞌaꞌru tixba̱nu reheb li cuanqueb Babilonia. Quelonbil nak teꞌisi̱k li cocꞌal saꞌ li tenamit aꞌan ut ta̱sachekꞌ ru lix naꞌajeb.

1 Samuel 18:23

Queꞌxye re laj David joꞌ quiyeheꞌ reheb xban laj Saúl. Ut laj David quixye reheb: —¿Ma nequecꞌoxla la̱ex nak kꞌaxal us chokꞌ re junak cui̱nk joꞌ la̱in oc chokꞌ xhiꞌ li rey? La̱in ma̱cꞌaꞌ incuanquil ut nebaꞌin, chan.

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

Jueces 6:11

Ut quichal lix ángel li Ka̱cuaꞌ ut quicꞌojla rubel jun to̱n li ji cuan saꞌ li tenamit Ofra. Li naꞌajej aꞌan re laj Joás xcomoneb li ralal xcꞌajol laj Abiezer. Laj Gedeón, li ralal laj Joás, yo̱ chixpuxinquil ru li trigo saꞌ li naꞌajej bar nequeꞌxyatzꞌ cuiꞌ li uvas re nak incꞌaꞌ ta̱ilekꞌ xbaneb laj Madián.