13 Quichakꞌoc laj Gedeón ut quixye re: —At Ka̱cuaꞌ, cui li Dios cuan kiqꞌuin, ¿cꞌaꞌut nak yo̱co chixcꞌulbal li raylal aꞌin? ¿Bar cuan li milagros queꞌxserakꞌi ke li kanaꞌ kayucuaꞌ nak queꞌxye: “¿Ma incꞌaꞌ ta biꞌ xorisi chak li Ka̱cuaꞌ Egipto?” chanqueb. Anakcuan li Ka̱cuaꞌ xoxtzꞌekta̱na ut xoxkꞌaxtesi saꞌ rukꞌeb laj Madián, chan.
13 Kichaq'ok laj Jedehón ut kixye: “Chinaakuy, at inQaawa'. Wi li Yos wank qik'in, k'a'ut naq yooko chi xk'ulb'al chixjunil a'in? B'ar wankeb' chixjunil li sachb'ach'oolej li neke'xseeraq'i qe eb' li qana' qayuwa' naq neke'xye: «Ma maawa' tab'i' li Qaawa' ki'isink chaq qe Ejiipt?», chankeb'. A'ut anaqwan li Qaawa' xooxkanab' qajunes ut xooxq'axtesi sa' ruq'eb' laj Madián”, chan laj Jedehón.
Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.
Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.
Saꞌ jun li cutan nak ma̱jiꞌ nacuulac xcutanquil xyoꞌlajic lix cꞌulaꞌal, lix Rebeca quirecꞌa nak cꞌajoꞌ nak yo̱ chi ecꞌa̱nc lix cꞌulaꞌal. Ut qui-oc xcꞌaꞌux riqꞌuin li cꞌaꞌru quirecꞌa. Lix Rebeca quixye saꞌ xchꞌo̱l: —¿Cꞌaꞌut nak yo̱quin chixcꞌulbal chi joꞌcaꞌin? chan. Ut quitijoc chiru li Dios ut quixye: —¿Cꞌaꞌut nak yo̱quin chixcꞌulbal chi joꞌcaꞌin? chan re li Dios.
At Jeremías, cui eb lin tenamit teꞌpatzꞌok a̱cue, malaj ut junak profeta malaj ut aj tij, ut teꞌxye a̱cue, “¿Cꞌaꞌru xye li Ka̱cuaꞌ anakcuan?” ta̱ye reheb, “Li cꞌaꞌru xye li Ka̱cuaꞌ, aꞌan nak la̱ex tzꞌekta̱nanbilex chic.”
Ut chixjunileb li cuanqueb saꞌ li xni̱nkal ru tenamit teꞌxye: ¿Cꞌaꞌut nak quixba̱nu li Ka̱cuaꞌ chi joꞌcan re lix naꞌajeb laj Israel? ¿Cꞌaꞌru xya̱lal nak quinumta lix joskꞌil saꞌ xbe̱neb?
Ac xkabi ut ac xkanau nak la̱at cattaklan chak re li raylal saꞌ xbe̱neb li tenamit li queꞌlokꞌonin jalanil dios. Ut la̱at cat-isin reheb saꞌ li naꞌajej yechiꞌinbil reheb la̱ cualal a̱cꞌajol. Ut caqꞌueheb la̱ cualal a̱cꞌajol chi cua̱nc saꞌ li naꞌajej aꞌan.
Ut eb li tenamit queꞌjulticoꞌ re chanru nak queꞌcuan junxil nak laj Moisés laj cꞌanjel chiru li Dios quicꞌamoc be chiruheb. Ut queꞌxye: —¿Ma ma̱cuaꞌ ta biꞌ li Dios li quitenkꞌan reheb li tenamit chi numecꞌ jun pacꞌal li palau rochbeneb li nacꞌamoc be chiruheb? ¿Ma ma̱cuaꞌ ta biꞌ li Dios quicꞌamoc be chiruheb riqꞌuin lix Santil Musikꞌ?