Jueces 6:1 - Li Santil hu

¹ Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Q'eqchi Bible

¹ Eb' laj Israel ke'ok wi' chik chi xb'aanunkil li ink'a' nawulak chiru li Qaawa'; jo'kan naq li Qaawa' kixq'axtesiheb' sa' ruq'eb' laj Madián chiru wuqub' chihab'.

Jueces 6:1 ပူးပေါင်းရင်းမြစ်များ

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Génesis 25:2

Ut queꞌcuan xcocꞌal riqꞌuin. Aꞌaneb aꞌin lix cꞌabaꞌeb. Laj Zimram, laj Jocsán, laj Medán, laj Madián, laj Isbac, ut laj Súa.

Habacuc 3:7

Quicuil nak queꞌxcꞌul li raylal li cuanqueb saꞌ li naꞌajej Cusán. Ut nequeꞌsicsot xbaneb xxiu li cuanqueb Madián.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

Génesis 37:28

Nak yo̱queb chi numecꞌ saꞌ li naꞌajej aꞌan eb laj madianita rochbeneb laj ismaelita, eb li ras laj José queꞌrisi saꞌ li jul ut queꞌxcꞌayi reheb laj ismaelita. Junmay ajcuiꞌ chi tumin plata queꞌxcꞌayi cuiꞌ laj José. Ut chirix aꞌan, queꞌxcꞌam toj Egipto.

Números 22:4

Eb laj Moab queꞌa̱tinac riqꞌuineb li nequeꞌcꞌamoc be saꞌ xya̱nkeb laj Madián ut queꞌxye reheb: —Eb li tenamit aꞌan teꞌnumta̱k saꞌ kabe̱n ut teꞌxsach ku chi junaj cua joꞌ nak li cuacax nequeꞌxcuaꞌ chixjunil li pachꞌayaꞌ, chanqueb.

Jueces 6:13

Quichakꞌoc laj Gedeón ut quixye re: —At Ka̱cuaꞌ, cui li Dios cuan kiqꞌuin, ¿cꞌaꞌut nak yo̱co chixcꞌulbal li raylal aꞌin? ¿Bar cuan li milagros queꞌxserakꞌi ke li kanaꞌ kayucuaꞌ nak queꞌxye: “¿Ma incꞌaꞌ ta biꞌ xorisi chak li Ka̱cuaꞌ Egipto?” chanqueb. Anakcuan li Ka̱cuaꞌ xoxtzꞌekta̱na ut xoxkꞌaxtesi saꞌ rukꞌeb laj Madián, chan.

Jueces 10:7

Ut li Ka̱cuaꞌ Dios quijoskꞌoꞌ saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj filisteo ut saꞌ rukꞌeb laj Amón.