Jueces 5:9 - Li Santil hu

⁹ Junelic ninqꞌue inchꞌo̱l chixtenkꞌanquileb li nequeꞌcꞌamoc be saꞌ xya̱nkeb laj Israel, li xoleꞌxqꞌue rib chi anchaleb xchꞌo̱l saꞌ xya̱nkeb li queꞌpletic re xcolbaleb laj Israel. Chinima̱k taxak ru li Ka̱cuaꞌ.

Q'eqchi Bible

⁹ “Ninyoxink chawu, at inYos, linch'ool wank rik'ineb' li xjolomil laj Israel, rik'ineb' li ke'xyeechi'i rib' chi yalok sa' xk'ab'a' lintenamit. Chenima ru li Qaawa', chejunilex!

Jueces 5:9 ပူးပေါင်းရင်းမြစ်များ

Jueces 5:2

—Cheqꞌuehak taxak xlokꞌal li Ka̱cuaꞌ che̱junilex la̱ex xban nak saꞌ li tenamit Israel toj cuanqueb cui̱nk cauheb xchꞌo̱l chi pletic ut xban ajcuiꞌ nak toj cuanqueb cui̱nk teꞌraj oque̱nc saꞌ li ple̱t.

2 Corintios 9:5

Joꞌcan nak xincꞌoxla nak us xtaklanquileb li herma̱n xbe̱n cua nak toj ma̱jiꞌ ninxic la̱in. Textenkꞌa xcauresinquil li mayej li xeyechiꞌi. Ut nak tincuulak, ac xocbilak e̱ban, re nak ta̱cꞌutu̱nk nak moco minbil ta e̱ru chixqꞌuebal. Xeqꞌue ban xban nak nequeraj xba̱nunquil.

2 Corintios 8:17

Quintzꞌa̱ma chiru laj Tito nak ta̱xic e̱riqꞌuin ut quixcꞌul xchꞌo̱l. Toj ma̱jiꞌ ajcuiꞌ nintzꞌa̱ma chiru nak aꞌan ac x-ala saꞌ xchꞌo̱l nak ta̱xic e̱riqꞌuin.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

1 Crónicas 29:9

Cꞌajoꞌ nak queꞌsahoꞌ xchꞌo̱leb li cristian xban nak chi anchaleb xchꞌo̱l queꞌxqꞌue re li Ka̱cuaꞌ li joꞌ qꞌuial qui-ala saꞌ xchꞌo̱leb.

2 Crónicas 17:16

Ut laj Amasías li ralal laj Zicri nataklan saꞌ xbe̱neb cuib ciento mil (200,000) chi soldado. Laj Amasías, aꞌan li qui-ala saꞌ xchꞌo̱l xkꞌaxtesinquil rib chi cꞌanjelac chiru li Ka̱cuaꞌ.

Nehemías 11:2

Ut eb li tenamit queꞌxbantioxi chiruheb li junju̱nk cabal li queꞌala saꞌ xchꞌo̱leb cana̱c Jerusalén.

2 Crónicas 31:8

Nak laj Ezequías ut eb li nequeꞌtenkꞌan re queꞌril chixjunil li mayej tu̱btu aran, queꞌxlokꞌoni li Ka̱cuaꞌ ut queꞌxbantioxi chiruheb laj Israel lix tenamit.

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.