Jueces 5:6 - Li Santil hu

⁶ Saꞌ eb li cutan nak queꞌcuan laj Samgar, li ralal laj Anat, ut lix Jael, eb laj cꞌay incꞌaꞌ chic queꞌnumeꞌ saꞌ li nim be ut eb laj viaje junes jalbe aj chic queꞌnumeꞌ cuiꞌ.

Q'eqchi Bible

⁶ Sa' xkutankil laj Sankar, ralal laj Anat, sa' xkutankil lix Jahel ink'a' ki'uxk b'eek sa'eb' li xninqal b'e; ut eb' laj numel junes jalb'e aj chik ke'xk'am.

Jueces 5:6 ပူးပေါင်းရင်းမြစ်များ

Isaías 33:8

Eb li be poꞌinbileb. Ma̱ ani chic nequeꞌbe̱c saꞌ eb li be. Incꞌaꞌ chic nequeꞌxba̱nu li cꞌaꞌru xeꞌxye saꞌ eb li contrato. Nequeꞌxkꞌet ban li ra̱tineb. Ma̱ ani chic na-oxlokꞌi li ras ri̱tzꞌin.

Jueces 3:31

Li jun chic li quicꞌamoc be chiruheb laj Israel, aꞌan laj Samgar li ralal laj Anat. Laj Samgar quicoloc reheb laj Israel chiruheb laj filisteo xban nak quixcamsi cuakib ciento (600) aj filisteo riqꞌuin lix cheꞌ re xberesinquil bo̱yx.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Levítico 26:22

Tintakla li joskꞌ aj xul saꞌ e̱ya̱nk ut telajeꞌxcamsiheb le̱ cocꞌal ut teꞌxcamsi le̱ queto̱mk. Moco qꞌuihex ta chic texcana̱k. Ut ma̱ ani chic teꞌnumekꞌ saꞌ eb li be.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Lamentaciones 4:18

Eb li xicꞌ nequeꞌiloc ke yo̱queb chixqꞌuebal ketal. Incꞌaꞌ naru noco-el saꞌ be. Xcuulac xkꞌehil li kacamic. Osocꞌ ke.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

2 Crónicas 15:5

Saꞌ eb li cutan aꞌan, ma̱ ani naru na-el saꞌ junak tenamit chi moco na-oc yal chi joꞌcan xban nak eb li tenamit yalak bar cuanqueb saꞌ raylal.

Jueces 5:7

Eb li queꞌcuan saꞌ li cocꞌ tenamit li cuanqueb saꞌ xcue̱nt Israel quilajeꞌel. Eb li naꞌajej queꞌcana chi ma̱ ani cuan aran toj nak la̱in lix Débora xin-oc chixtenkꞌanquileb. Chanchanin lix naꞌeb laj Israel nak xin-oc chixtenkꞌanquileb.

Jeremías 6:25

Mexxic saꞌ be chi moco texxic saꞌ xnaꞌaj le̱ racui̱mk xban nak xiu xiu yalak bar. Eb li xicꞌ nequeꞌiloc ke cuanqueb xchꞌi̱chꞌ saꞌ rukꞌeb, chanqueb.