Jueces 5:31 - Li Santil hu

³¹ Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Q'eqchi Bible

³¹ “Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Jueces 5:31 ပူးပေါင်းရင်းမြစ်များ

Salmos 37:6

Li Dios tixcꞌutbesi lix ti̱quilal e̱chꞌo̱l chiruheb chixjunileb joꞌ nak nalemtzꞌun li sakꞌe cuaꞌleb re li cutan.

2 Samuel 23:4

Li rey aꞌan chanchanak li sakꞌe na-el chak ekꞌela nak ma̱cꞌaꞌ li chok saꞌ li choxa. Chanchanak li hab li naxqꞌue chi mokc li pim saꞌ li chꞌochꞌ.’

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Salmos 91:14

Li Ka̱cuaꞌ tixye: —La̱in tincol aꞌan xban nak kꞌaxal ninxra. La̱in tinqꞌue xlokꞌal xban nak aꞌan naxnau nak la̱in li Ka̱cuaꞌ.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

San Mateo 13:43

Ut li ti̱queb xchꞌo̱l teꞌqꞌuehekꞌ xlokꞌal. Chanchanakeb li sakꞌe saꞌ lix nimajcual cuanquilal li Dios lix Yucuaꞌeb. Li ani na-abin re li yo̱quin chixyebal chixqꞌuehak retal chi us li ninye.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 97:10

Che̱junilex la̱ex li nequexrahoc re li Ka̱cuaꞌ, chetzꞌekta̱na chi junaj cua li ma̱usilal xban nak li Ka̱cuaꞌ ta̱ilok e̱re la̱ex li ti̱c e̱chꞌo̱l. Aꞌan ta̱colok e̱re chiruheb li incꞌaꞌ useb xnaꞌleb.

Jueces 3:11

Incꞌaꞌ chic quicuan li pletic chiru caꞌcꞌa̱l chihab nak toj yoꞌyo laj Otoniel li ralal laj Cenaz.

Salmos 97:8

At nimajcual Dios, nasahoꞌ saꞌ xchꞌo̱leb li cuanqueb Sión. Nequeꞌsahoꞌ saꞌ xchꞌo̱leb xban nak nacatrakoc a̱tin saꞌ xbe̱neb li incꞌaꞌ nequeꞌxqꞌue a̱lokꞌal.

Salmos 92:9

At Ka̱cuaꞌ, relic chi ya̱l nak teꞌsachekꞌ ruheb li xicꞌ nequeꞌiloc a̱cue. Ut teꞌchaꞌchaꞌi̱k ruheb chixjunileb li nequeꞌxba̱nu ma̱usilal.

Jueces 3:30

Joꞌcaꞌin nak eb laj Israel queꞌnumta saꞌ xbe̱neb laj Moab saꞌ li cutan aꞌan. Ut incꞌaꞌ chic queꞌpletic chiru ca̱cꞌa̱l chihab.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Éxodo 20:6

Ut nacuuxta̱naheb ru li nequeꞌrahoc cue ut nequeꞌxpa̱b lin chakꞌrab.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

2 Samuel 18:31

Saꞌ ajcuiꞌ li ho̱nal aꞌan quicuulac li cui̱nk laj Etiopía ut quixye re li rey: —At rey, xincꞌam chak cha̱bil esilal chokꞌ a̱cue. Anakcuan li Ka̱cuaꞌ xcoloc a̱cue saꞌ rukꞌeb li xicꞌ nequeꞌiloc a̱cue, chan.

Salmos 89:37

Teꞌcua̱nk xcuanquil chi junelic joꞌ najtil ta̱cua̱nk li po chiru li choxa, chan li Dios.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

2 Samuel 18:32

Li rey quixye re li cui̱nk laj Etiopía: —¿Ma ma̱cꞌaꞌ xcꞌul laj Absalón? chan. Ut li cui̱nk quixye re: —Us raj nak chixjunileb li xicꞌ nequeꞌiloc a̱cue li teꞌraj numta̱c saꞌ a̱be̱n, teꞌxcꞌul joꞌ xcꞌul laj Absalón, chan.

Salmos 19:6

Li sakꞌe na-el chak saꞌ xto̱n choxa ut naxsuti li ruchichꞌochꞌ. Ut ma̱ ani incꞌaꞌ ta narecꞌa lix tikcual.

Salmos 20:8

Eb li cauheb xchꞌo̱l riqꞌuin lix carruajeb ut lix cacua̱y, eb aꞌan teꞌcana̱k chi ma̱cꞌaꞌeb chic xcuanquil ut teꞌosokꞌ. Abanan la̱o junelic cau kachꞌo̱l riqꞌuin li Dios ut incꞌaꞌ ta̱chꞌina̱nk kachꞌo̱l.

Salmos 92:10

La̱at ta̱qꞌue inmetzꞌe̱u joꞌ xmetzꞌe̱u li toro ut ta̱qꞌue li sununquil ban saꞌ injolom retalil xsahil inchꞌo̱l.