Jueces 5:28 - Li Santil hu

²⁸ Yo̱ chi iloc saꞌ ventana lix naꞌ laj Sísara. Aran saꞌ lix ventana yo̱ chi iloc ut yo̱ chixyebal, “¿Cꞌaꞌut nak xbay chak laj Sísara? ¿Cꞌaꞌut nak incꞌaꞌ nequeꞌxse̱ba chak ribeb li cacua̱y li yo̱queb chi quelo̱nc re lix carruaje?” chan.

Q'eqchi Bible

²⁸ “Sa' b'entaan yo chi ilok chaq li xna' laj Sísara; kixjap re chi xyeeb'al chi ra sa' xch'ool: «K'a' naq xb'ay chaq chi k'ulunk li xb'eleb'aal ch'iich'? K'a' naq ink'a' xe'xseeb'a chaq rib' eb' li xkawaay?», chan.

Jueces 5:28 ပူးပေါင်းရင်းမြစ်များ

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Cantares 8:14

Se̱ba a̱cuib, at cui̱nk li nacatinra. Quim cuiqꞌuin. A̱linan joꞌ nak nequeꞌa̱linac li quej li nequeꞌchal chak saꞌ eb li tzu̱l saꞌ li naꞌajej cꞌajoꞌ xsununcal.

Cantares 2:9

Li cui̱nk li ninra, aꞌan chanchan jun li quej. Chanchan jun li yuc. Xakxo chiru li tzꞌac ut yo̱ chak chi iloc saꞌ li ventana. Yo̱ chak chi chꞌu̱qui̱nc.

Proverbios 7:6

Saꞌ jun li cutan yo̱quin chi iloc saꞌ li ventana re li cuochoch.

2 Reyes 1:2

Li rey Ocozías quitꞌaneꞌ saꞌ li ventana saꞌ xcaꞌ tasalil li rochoch li cuan Samaria ut quixtochꞌ rib. Nak nim xyajel quixye reheb lix takl: —Ayukex riqꞌuin laj Baal-zebub lix dioseb laj Ecrón. Patzꞌomak chak re ma tinqꞌuira̱k malaj ut incꞌaꞌ, chan.

Jueces 4:15

Nak queꞌoc chi pletic riqꞌuin chꞌi̱chꞌ laj Barac, li Dios quixsach xnaꞌleb laj Sísara joꞌqueb ajcuiꞌ lix soldado ut eb li yo̱queb chi beresi̱nc reheb li carruaje. Laj Sísara quicube saꞌ lix carruaje ut chi rok chic co̱ nak quie̱lelic.

Jueces 5:27

Laj Sísara yo̱ chixtolcꞌosinquil rib chi rok lix Jael ut aran quicam. Quicana chi tꞌantꞌo saꞌ chꞌochꞌ.

Jueces 5:29

Ut eb li ixk li kꞌaxal cuanqueb xnaꞌleb li nequeꞌochbenin re queꞌxsume li quixye. Ut junaj ru lix cꞌaꞌux li naꞌbej riqꞌuineb.