Jueces 5:2 - Li Santil hu

² —Cheqꞌuehak taxak xlokꞌal li Ka̱cuaꞌ che̱junilex la̱ex xban nak saꞌ li tenamit Israel toj cuanqueb cui̱nk cauheb xchꞌo̱l chi pletic ut xban ajcuiꞌ nak toj cuanqueb cui̱nk teꞌraj oque̱nc saꞌ li ple̱t.

Q'eqchi Bible

² “Chenima xloq'al li Qaawa', laa'ex li yo'oon wankex chi yalok, jo'k'ihalex li kesume leeb'oqb'al xb'aan li Yos!

Jueces 5:2 ပူးပေါင်းရင်းမြစ်များ

Jueces 5:9

Junelic ninqꞌue inchꞌo̱l chixtenkꞌanquileb li nequeꞌcꞌamoc be saꞌ xya̱nkeb laj Israel, li xoleꞌxqꞌue rib chi anchaleb xchꞌo̱l saꞌ xya̱nkeb li queꞌpletic re xcolbaleb laj Israel. Chinima̱k taxak ru li Ka̱cuaꞌ.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

2 Crónicas 17:16

Ut laj Amasías li ralal laj Zicri nataklan saꞌ xbe̱neb cuib ciento mil (200,000) chi soldado. Laj Amasías, aꞌan li qui-ala saꞌ xchꞌo̱l xkꞌaxtesinquil rib chi cꞌanjelac chiru li Ka̱cuaꞌ.

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Filemón 1:14

Abanan incꞌaꞌ nacuaj xminbal a̱cuu chixba̱nunquil li usilal aꞌin. Nacuaj ban nak ta̱ba̱nu aꞌan chi anchal a̱chꞌo̱l. Joꞌcan nak ma̱cꞌaꞌ xinba̱nu chi incꞌaꞌ ta ta̱nau la̱at.

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

1 Corintios 9:17

Cui ta yo̱quin chixba̱nunquil yal xban nak nacuaj la̱in, tinyoꞌoni raj intojbal. Abanan yo̱quin chixba̱nunquil lin cꞌanjel xban nak tenebanbil saꞌ inbe̱n xban li Dios xyebal resil li colba-ib.

Salmos 136:15

Aꞌan li quiqꞌuehoc reheb chi osocꞌ saꞌ li Caki Palau laj faraón joꞌqueb ajcuiꞌ lix soldado xban nak kꞌaxal nim li ruxta̱n saꞌ kabe̱n junelic.

Salmos 97:8

At nimajcual Dios, nasahoꞌ saꞌ xchꞌo̱leb li cuanqueb Sión. Nequeꞌsahoꞌ saꞌ xchꞌo̱leb xban nak nacatrakoc a̱tin saꞌ xbe̱neb li incꞌaꞌ nequeꞌxqꞌue a̱lokꞌal.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.

Salmos 48:11

Chisahokꞌ taxak saꞌ xchꞌo̱leb li cuanqueb saꞌ li tzu̱l Sión. Ut cheꞌsahokꞌ ta ajcuiꞌ saꞌ xchꞌo̱leb li cuanqueb saꞌ eb li tenamit xcue̱nt Judá xban nak saꞌ ti̱quilal nacattaklan.

Salmos 18:47

Li Ka̱cuaꞌ, aꞌan li naqꞌuehoc chi numta̱c saꞌ xbe̱neb li xicꞌ nequeꞌiloc cue. Aꞌan li naqꞌuehoc reheb li tenamit rubel incuanquil.

Nehemías 11:2

Ut eb li tenamit queꞌxbantioxi chiruheb li junju̱nk cabal li queꞌala saꞌ xchꞌo̱leb cana̱c Jerusalén.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Deuteronomio 33:21

Queꞌxsicꞌ ru li naꞌajej li kꞌaxal cha̱bil chokꞌ reheb. Ut quiqꞌueheꞌ reheb li naꞌajej joꞌ quiqꞌueheꞌ reheb li nequeꞌcꞌamoc be. Ut queꞌxba̱nu li cꞌaꞌru quiraj li Ka̱cuaꞌ ut queꞌxba̱nu li ti̱quilal nak chꞌutchꞌu̱queb li nequeꞌcꞌamoc be saꞌ xya̱nkeb laj Israel.

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.