Jueces 5:19 - Li Santil hu

¹⁹ Queꞌchal eb li rey aj Canaán chi pletic saꞌ li tenamit Taanac, li cuan nachꞌ riqꞌuin li haꞌ li cuan Meguido. Abanan ma̱cꞌaꞌ queꞌre̱chani.

Q'eqchi Bible

¹⁹ “Toja' naq eb' li awab'ej ke'wulak Tanak, chire li ha' re Mejido; eb' li awab'ej re Kanahán ke'wulak chi yalok, ab'an ink'a' ke'eechanink plaat chi moko b'ihomal.

Jueces 5:19 ပူးပေါင်းရင်းမြစ်များ

Jueces 5:30

Queꞌxye re, “¿Ma incꞌaꞌ ta biꞌ yo̱queb chixjeqꞌuinquil chi ribileb rib li queꞌre̱chani saꞌ li ple̱t? Jun malaj cuib chi ixk li teꞌxcꞌul li junju̱nk chi soldado. Laj Sísara tixcꞌul li cha̱bil tꞌicr li cuan xsahob ru li nabal xbonol. Teꞌxcꞌul li tꞌicr li yi̱banbil chi us saꞌ xcaꞌ pacꞌalil eb li queꞌtaklan saꞌ xbe̱neb li soldados saꞌ li ple̱t.”

Jueces 1:27

Eb li ralal xcꞌajol laj Manasés incꞌaꞌ queꞌru risinquileb li cuanqueb saꞌ eb li tenamit Bet-seán ut Taanac, joꞌ ajcuiꞌ li tenamit Dor. Chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Ut incꞌaꞌ queꞌrisiheb saꞌ eb li tenamit Ibleam ut Meguido, chi moco queꞌrisiheb saꞌ li cocꞌ cꞌaleba̱l li cuanqueb chi xjun sutam. Joꞌcan nak eb laj cananeo queꞌcana chi cua̱nc saꞌ li naꞌajej aꞌan.

1 Reyes 4:12

Laj Baana li ralal laj Ahilud quicꞌanjelac saꞌ eb li tenamit Taanac, ut Meguido, ut saꞌ chixjunil li naꞌajej Bet-seán li cuan chixcꞌatk li naꞌajej Saretán, li cuan saꞌ li sur re li tenamit Jezreel. Naticla Bet-seán ut nacuulac toj Abel-mehola ut naxic toj jun pacꞌal Jocmeam.

Apocalipsis 19:19

Quicuil ru li joskꞌ aj xul ut eb li rey li cuanqueb saꞌ ruchichꞌochꞌ rochbeneb li soldado li nequeꞌcꞌanjelac chiruheb. Queꞌxchꞌutub rib re teꞌpletik riqꞌuin li Ti̱c Xchꞌo̱l li cuan chirix li cacua̱y sak rix rochbeneb li nequeꞌta̱ken re.

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

Jueces 4:13

Ut quixchꞌutubeb bele̱b ciento (900) lix carruaje re pletic ut quixchꞌutubeb ajcuiꞌ chixjunileb lix soldado. Queꞌel aran Haroset-goim ut co̱eb cuan cuiꞌ li nimaꞌ Cisón.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Génesis 4:16

Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

Apocalipsis 16:16

Ut queꞌxchꞌutub eb li rey li oxib chi ma̱us aj musikꞌej saꞌ li naꞌajej Armagedón xcꞌabaꞌ saꞌ hebreo.

2 Reyes 23:29

Nak laj Josías cuan chokꞌ xreyeb laj Judá laj Necao lix reyeb laj Egipto co̱ saꞌ li nimaꞌ Éufrates chi pletic riqꞌuin lix reyeb laj Asiria. Li rey Josías co̱ chi pletic riqꞌuin laj Necao. Nak laj Necao quiril laj Josías, ticto quixcamsi aran Meguido.

2 Crónicas 35:22

Abanan laj Josías incꞌaꞌ quiraj rabinquil li cꞌaꞌru quixye laj Necao ut incꞌaꞌ quixqꞌue retal nak li Dios yo̱ chi tenkꞌa̱nc re. Joꞌcan nak quixqꞌue li rakꞌ re pletic ut co̱ chi pletic riqꞌuin laj Necao saꞌ li ru takꞌa re Meguido.

Josué 12:21

li rey re Taanac, ut li rey re Meguido,

Josué 17:11

Cuan li naꞌajej quitzꞌak laj Manasés xcomon lix naꞌajeb laj Isacar. Aꞌaneb aꞌin lix cꞌabaꞌeb: Aser ut Bet-seán rochben li cocꞌ cꞌaleba̱l; Ibleam rochben li cocꞌ cꞌaleba̱l joꞌ ajcuiꞌ li tenamit Dor ut li tenamit Endor rochbeneb li cocꞌ cꞌaleba̱l; li tenamit Taanac ut eb li cocꞌ cꞌaleba̱l joꞌ ajcuiꞌ li tenamit Meguido rochbeneb li oxib chi tenamit li cuanqueb saꞌ xbe̱n bol.