Jueces 5:18 - Li Santil hu

¹⁸ Abanan eb li ralal xcꞌajol laj Zabulón ut eb li ralal xcꞌajol laj Neftalí incꞌaꞌ queꞌxra lix yuꞌameb. Queꞌco̱eb ban chi pletic.

Q'eqchi Bible

¹⁸ Laj Sabulón ut laj Neftalí ink'a' ke'xra li xyu'ameb' sa' li xtaqeq'il li tenamit.

Jueces 5:18 ပူးပေါင်းရင်းမြစ်များ

Jueces 4:10

Ut laj Barac quixchꞌutubeb li ralal xcꞌajol laj Zabulón joꞌ eb ajcuiꞌ li ralal xcꞌajol laj Neftalí aran Cedes. Laje̱b mil chi cui̱nk li queꞌcana rubel xtakl laj Barac ut queꞌco̱eb. Ut co̱ ajcuiꞌ lix Débora.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Apocalipsis 12:11

Eb li kech aj pa̱banelil xeꞌnumta saꞌ xbe̱n laj tza saꞌ xcꞌabaꞌ lix quiqꞌuel li Jun li chanchan carner ut xban nak queꞌxchꞌolob xya̱lal nak aꞌan laj Colol reheb. Incꞌaꞌ queꞌxra xyuꞌameb, toj retal queꞌxcꞌul ca̱mc.

1 Juan 3:16

Li Jesucristo quixcꞌut chiku chanru li rahoc nak quixkꞌaxtesi rib chi ca̱mc saꞌ kacꞌabaꞌ la̱o. Joꞌcan ajcuiꞌ nak tento takaraheb li kaherma̱n usta tocamsi̱k saꞌ xcꞌabaꞌeb.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Jueces 4:14

Ut lix Débora quixye re laj Barac: —Anakcuan xcuulac xkꞌehil. Ayukex chi pletic xban nak li Ka̱cuaꞌ ac xkꞌaxtesi saꞌ a̱cuukꞌ laj Sísara. Li Ka̱cuaꞌ yo̱ chi tenkꞌa̱nc e̱re, chan. Ut queꞌcube saꞌ li tzu̱l Tabor laj Barac rochbeneb li laje̱b mil chi soldado.

Jueces 6:35

Ut quixtakla xbokbaleb chixjunileb li ralal xcꞌajol laj Manasés. Queꞌchal ut queꞌxchꞌutub ribeb riqꞌuin laj Gedeón. Ut quixtakla ajcuiꞌ xbokbaleb li ralal xcꞌajol laj Aser, eb li ralal xcꞌajol laj Zabulón ut eb li ralal xcꞌajol laj Neftalí. Eb aꞌan queꞌchal ut queꞌxchꞌutub ribeb riqꞌuin.

Salmos 68:27

Li yo̱queb chi xic chi ubej, aꞌaneb li nequeꞌcꞌamoc be saꞌ xya̱nkeb li ralal xcꞌajol laj Benjamín. Ut chirixeb aꞌan cuanqueb li nequeꞌcꞌamoc be saꞌ xya̱nkeb li ralal xcꞌajol laj Judá joꞌ ajcuiꞌ li nequeꞌcꞌamoc be saꞌ xya̱nkeb li ralal xcꞌajol laj Zabulón ut joꞌ ajcuiꞌ li nequeꞌcꞌamoc be saꞌ xya̱nkeb laj Neftalí.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Génesis 35:25

Ut quicuan ajcuiꞌ cuib li ralal riqꞌuin lix Bilha, lix mo̱s lix Raquel. Aꞌaneb aꞌin lix cꞌabaꞌeb: laj Dan ut laj Neftalí.