Jueces 5:15 - Li Santil hu

¹⁵ Eb li nequeꞌcꞌamoc be saꞌ xya̱nkeb li ralal xcꞌajol laj Isacar queꞌco̱eb rochben lix Débora. Queꞌco̱eb laj Isacar joꞌ nak co̱ laj Barac. Eb li ralal xcꞌajol laj Isacar queꞌxta̱ke laj Barac toj saꞌ li ru takꞌa. Abanan eb li ralal xcꞌajol laj Rubén queꞌchꞌinan xchꞌo̱leb. Incꞌaꞌ queꞌco̱eb chi pletic.

Q'eqchi Bible

¹⁵ Eb' li neke'k'amok b'e sa' xyanqeb' laj Isakar wankeb' rik'in lix Débora ut eb' laj Neftalí yookeb' chirix laj Barak sa' li taq'a ru. “Eb' laj Rubén k'ajo' naq ke'xk'uub' xninqal ru na'leb' sa' xyanqeb' li roqha'!

Jueces 5:15 ပူးပေါင်းရင်းမြစ်များ

Jueces 4:14

Ut lix Débora quixye re laj Barac: —Anakcuan xcuulac xkꞌehil. Ayukex chi pletic xban nak li Ka̱cuaꞌ ac xkꞌaxtesi saꞌ a̱cuukꞌ laj Sísara. Li Ka̱cuaꞌ yo̱ chi tenkꞌa̱nc e̱re, chan. Ut queꞌcube saꞌ li tzu̱l Tabor laj Barac rochbeneb li laje̱b mil chi soldado.

2 Corintios 11:2

La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

Hechos 20:13

La̱o co̱o toj Asón chiru haꞌ chixcꞌulbal laj Pablo. Aꞌan co̱ chi chꞌochꞌel xban nak joꞌcan quiraj.

Hechos 15:39

Queꞌxcuechꞌi ribeb laj Pablo ut laj Bernabé ut queꞌxcanab ribeb. Laj Bernabé co̱ aran Chipre chiru haꞌ ut quixcꞌam laj Juan Marcos chirix.

Proverbios 22:13

Li ani incꞌaꞌ naraj trabajic naxsicꞌ xya̱lal chanru nak incꞌaꞌ nacꞌanjelac. Naxye nak incꞌaꞌ naru naxic chi trabajic xban nak cuan jun li cakcoj saꞌ be naru nacamsi̱c xban.

1 Crónicas 12:32

Saꞌ xya̱nkeb li ralal xcꞌajol laj Isacar cuanqueb cuib ciento chi cui̱nk. Eb li cui̱nk aꞌin cuanqueb xnaꞌleb. Queꞌxnau cꞌaꞌru us teꞌxba̱nu eb laj Israel. Li cꞌaꞌru nequeꞌxye aꞌan, aꞌan li nequeꞌxba̱nu li rech tenamitil.

Jueces 4:10

Ut laj Barac quixchꞌutubeb li ralal xcꞌajol laj Zabulón joꞌ eb ajcuiꞌ li ralal xcꞌajol laj Neftalí aran Cedes. Laje̱b mil chi cui̱nk li queꞌcana rubel xtakl laj Barac ut queꞌco̱eb. Ut co̱ ajcuiꞌ lix Débora.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Jueces 5:16

¿Cꞌaꞌut nak incꞌaꞌ queꞌco̱eb li ralal xcꞌajol laj Rubén? ¿Cꞌaꞌut nak queꞌcana chirabinquil lix carner nak nequeꞌya̱bac? Eb li ralal xcꞌajol laj Rubén cauheb raj rib. Abanan queꞌxucuac.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.