Jueces 5:11 - Li Santil hu

¹¹ Chicuulak ta xya̱b lix bicheb toj saꞌ eb li naꞌajej li cuan cuiꞌ li haꞌ. Najt riqꞌuineb li nequeꞌpletic, cheꞌxbicha resil li usilal quilajxba̱nu li Ka̱cuaꞌ reheb laj Israel. Cheꞌxbicha resil chanru nak quixtenkꞌaheb laj Israel chixcolbal ribeb. Ut lix tenamit li Dios queꞌco̱eb saꞌ li oqueba̱l re li tenamit.

Q'eqchi Bible

¹¹ Cherab'ihaq xyaab' xkuxeb' laj puktesinel esil, chi xk'atqeb' li ruk'leb'aal ha': aran nab'ichamank li rusilal li Qaawa', jo'nimal kixb'aanu reheb' laj Israel naq li xtenamit li Qaawa' kikub'e chaq chire li okeb'aal.

Jueces 5:11 ပူးပေါင်းရင်းမြစ်များ

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

1 Samuel 12:7

Qꞌuehomak retal. La̱in tinjultica e̱re chiru li Ka̱cuaꞌ chixjunil li usilal li quixba̱nu chak e̱re la̱ex ut reheb ajcuiꞌ le̱ xeꞌto̱nil yucuaꞌ nak quixcoleb.

Jueces 5:8

Nak nequeꞌoc chixlokꞌoninquil li jalanil dios, naticla cuiꞌchic li ple̱t. Ut ma̱ jun saꞌ xya̱nkeb li caꞌcꞌa̱l mil (40,000) chi cui̱nk quicuan xchꞌi̱chꞌ malaj xla̱ns re teꞌxcol cuiꞌ ribeb nak queꞌchal chi pletic li xicꞌ nequeꞌiloc reheb.

Lamentaciones 5:9

Eb laj camsinel cuanqueb yalak bar. Xiu xiu nak nocoxic chixsicꞌbal katzacae̱mk xban nak incꞌaꞌ nakanau ma tosukꞌi̱k chak malaj ut incꞌaꞌ.

Lamentaciones 5:4

Li haꞌ nakucꞌ toj nakalokꞌ. Ut joꞌcan ajcuiꞌ li kasiꞌ lokꞌbil.

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Isaías 28:6

Li Ka̱cuaꞌ tixqꞌue xnaꞌlebeb laj rakol a̱tin re nak teꞌrakok a̱tin saꞌ ti̱quilal. Ut tixqꞌue xcacuilal xchꞌo̱leb li nequeꞌpletic re xcolbal li oqueba̱l re li tenamit.

Isaías 12:3

Cꞌajoꞌ nak ta̱sahokꞌ xchꞌo̱leb riqꞌuin li colba-ib. Chanchan nak nacꞌojla xchꞌo̱l li ta̱chakik re nak narucꞌ li haꞌ.

Li xHu LAJ JOB 29:7

Nak ninxic saꞌ li tenamit, la̱in ninchunla saꞌ xya̱nkeb li nequeꞌrakoc a̱tin.

Deuteronomio 22:24

aꞌaneb tento nak teꞌcꞌamekꞌ chi xcabichaleb chiruheb laj rakol a̱tin saꞌ li oqueba̱l re li tenamit ut teꞌcutekꞌ chi pec toj retal teꞌcamsi̱k. Ta̱camsi̱k li ixk xban nak incꞌaꞌ quixjap re saꞌ li tenamit chixcolbal rib. Ut li cui̱nk ta̱camsi̱k xban nak quixmux ru li rixakil li ras ri̱tzꞌin. Chi joꞌcaꞌin te̱risi li ma̱usilal saꞌ e̱ya̱nk.

Salmos 145:7

Eb li tenamit teꞌxye resil lix nimal la̱ cuusilal ut teꞌbicha̱nk re xyebal resil nak la̱at ti̱c a̱chꞌo̱l.

Génesis 24:11

Chire li tenamit cuan jun li becbil haꞌ. Li mo̱s quixqꞌueheb chi buchlac li camellos aran. Ac ecuu chic nak quicuulac. Aꞌan x-o̱ril nak nequeꞌcuulac li ixk chixcꞌambal lix haꞌeb.

Génesis 29:2

Quiril nak cuan jun becbil haꞌ saꞌ li ru takꞌa. Oxib chꞌu̱t li carner yo̱queb chi hila̱nc chire li haꞌ xban nak aran nequeꞌrisi rucꞌaheb li carner. Jun nimla pec nacꞌanjelac chokꞌ xtzꞌapbal re li becbil haꞌ.

Génesis 29:3

Nak nequeꞌoc xqꞌuebal rucꞌaheb li carner, eb laj ilol re li xul nequeꞌrisi li pec. Nak nequeꞌrakeꞌ xqꞌuebal rucꞌa, nequeꞌxtzꞌap cuiꞌchic.

Deuteronomio 33:21

Queꞌxsicꞌ ru li naꞌajej li kꞌaxal cha̱bil chokꞌ reheb. Ut quiqꞌueheꞌ reheb li naꞌajej joꞌ quiqꞌueheꞌ reheb li nequeꞌcꞌamoc be. Ut queꞌxba̱nu li cꞌaꞌru quiraj li Ka̱cuaꞌ ut queꞌxba̱nu li ti̱quilal nak chꞌutchꞌu̱queb li nequeꞌcꞌamoc be saꞌ xya̱nkeb laj Israel.

Jueces 11:40

Xban aꞌan, eb li sa̱j ixk nequeꞌxic saꞌ eb li tzu̱l rajlal chihab chi ya̱bac chirix lix camic lix rabin laj Jefté aj Galaad. Ca̱hib cutan nequeꞌcuan chak aran.

Salmos 71:15

La̱in rajlal cutan tinye resil nak la̱at ti̱c la̱ chꞌo̱l. La̱at nacatcoloc cue. Incꞌaꞌ naru rajlanquil jarub sut xina̱col chiruheb li xicꞌ nequeꞌiloc cue.