Jueces 4:5 - Li Santil hu

⁵ Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Q'eqchi Bible

⁵ Lix Débora nak'ojlaak rub'el jun kala', li xkala' lix Débora naxk'ab'a'in, sa' xyanq li tenamit Ramá ut Betel, sa'eb' li xtzuulul Efraín, ut eb' laj Israel neke'wulak rik'in a'an re xtuqub'ankil ru li xch'a'ajkilaleb'.

Jueces 4:5 ပူးပေါင်းရင်းမြစ်များ

Jeremías 31:15

Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

1 Samuel 1:1

Quicuan jun li cui̱nk aj Elcana xcꞌabaꞌ saꞌ li tenamit Ramá, li cuan saꞌ xnaꞌajeb li ralal xcꞌajol laj Efraín, li tzu̱l ru. Laj Elcana, aꞌan li ralal laj Jeroham. Lix yucuaꞌ laj Jeroham, aꞌan laj Eliú. Ut laj Eliú, aꞌan li ralal laj Tohu ut laj Tohu, aꞌan li ralal laj Zuf xcomoneb li ralal xcꞌajol laj Efraín.

Josué 18:25

Quiqꞌueheꞌ ajcuiꞌ reheb li tenamit Gabaón, Ramá, Beerot,

Josué 18:22

Bet-arabá, Zemaraim, Bet-el,

Josué 16:2

Nocox-e̱lk Bet-el li nequeꞌxye ajcuiꞌ Luz re, ut naxic toj saꞌ li tenamit Atarot saꞌ lix naꞌajeb laj arquitas.

Éxodo 18:26

Ut queꞌrakoc a̱tin rajlal cutan. Cui incꞌaꞌ nim li chꞌaꞌajquilal, eb li cui̱nk aꞌan queꞌrakoc a̱tin. Ut li nimla chꞌaꞌajquilal queꞌxcꞌam riqꞌuin laj Moisés.

Éxodo 18:19

Abi li cꞌaꞌru tinye a̱cue. Ut li Dios taxak chitenkꞌa̱nk a̱cue chixba̱nunquil. La̱at aj jalol a̱tin chiru li Dios chirixeb li cristian. Ta̱ye re li Dios cꞌaꞌru li chꞌaꞌajquilal cuanqueb cuiꞌ li cristian.

Éxodo 18:13

Joꞌ cuulajak chic laj Moisés quitzꞌiloc a̱tin chirixeb li cristian. Xakxo̱queb li cristian chiru laj Moisés chixjunil li cutan ekꞌela toj ecuu chiroybeninquil jokꞌe teꞌa̱tinak.

Génesis 35:8

Ut quicam lix Débora li quicuan chokꞌ xmo̱s li camenak Rebeca. Ut queꞌxbec xjulel rubel jun lix to̱nal ji ut aran queꞌxmuk nachꞌ riqꞌuin li tenamit Bet-el. Alón-bacut queꞌxqꞌue chokꞌ xcꞌabaꞌ li naꞌajej aꞌan.

1 Samuel 25:1

Nak laj Samuel quicam, chixjunileb laj Israel queꞌxchꞌutub ribeb. Queꞌya̱bac xban xrahil xchꞌo̱leb. Laj Samuel quimukeꞌ saꞌ lix chꞌochꞌ aran Ramá. Chirix aꞌan laj David co̱ saꞌ li chaki chꞌochꞌ aran Parán.

1 Samuel 1:19

Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

Éxodo 18:16

Nak nacuan chꞌaꞌajquilal, nequeꞌchal cuiqꞌuin. La̱in nintzꞌiloc a̱tin chirixeb ut ninchꞌolob xya̱lal lix chakꞌrab li Dios chiruheb, chan.

Jueces 4:4

Saꞌ eb li cutan aꞌan yo̱ chi cꞌamoc be saꞌ xya̱nkeb laj Israel jun li ixk, xDébora xcꞌabaꞌ. Aꞌan rixakil laj Lapidot ut xprofeta li Ka̱cuaꞌ.

1 Samuel 22:6

Saꞌ jun li cutan laj Saúl quirabi nak qui-ileꞌ laj David ut eb li cuanqueb rochben. Laj Saúl cuan aran Gabaa saꞌ jun li tzu̱l. Chunchu rubel jun li cheꞌ tamarisco ut cuan xla̱ns saꞌ rukꞌ. Chꞌutchꞌu̱queb riqꞌuin chixjunileb li nequeꞌcꞌanjelac chiru.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.