Jueces 4:4 - Li Santil hu

⁴ Saꞌ eb li cutan aꞌan yo̱ chi cꞌamoc be saꞌ xya̱nkeb laj Israel jun li ixk, xDébora xcꞌabaꞌ. Aꞌan rixakil laj Lapidot ut xprofeta li Ka̱cuaꞌ.

Q'eqchi Bible

⁴ Sa'eb' li kutan a'an yo chi k'amok b'e sa' xyanqeb' laj Israel jun li ixq propeet, xDébora xk'ab'a', rixaqil laj Lapidot.

Jueces 4:4 ပူးပေါင်းရင်းမြစ်များ

San Lucas 2:36

Ut cuan ajcuiꞌ jun li xma̱lcaꞌan aran profeta, xAna xcꞌabaꞌ. Aꞌan xrabin laj Fanuel xcomoneb li ralal xcꞌajol laj Aser. Ac ti̱x chic. Toj sa̱j nak quisumla ut cuukub chihab ajcuiꞌ quicuan rochben lix be̱lom.

2 Reyes 22:14

Laj Hilcías laj tij, rochbeneb laj Ahicam, laj Acbor, laj Safán ut laj Asaías queꞌco̱eb riqꞌuin lix Hulda chi patzꞌoc. Lix Hulda, aꞌan jun xprofeta li Dios. Aꞌan rixakil laj Salum. Laj Salum, aꞌan li ralal laj Ticva. Laj Ticva, aꞌan li ralal laj Harhas. Laj Salum, aꞌan li na-iloc re li akꞌej li nacꞌanjelac saꞌ li templo. Lix Hulda cuan rochoch Jerusalén saꞌ li naꞌajej li quiyi̱ba̱c mokon. Eb li cui̱nk queꞌa̱tinac riqꞌuin.

Éxodo 15:20

Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

1 Corintios 11:5

Ut cui junak ixk incꞌaꞌ naxtzꞌap lix jolom nak ta̱tijok ut nak tixye ra̱tin li Dios, li ixk aꞌan naxcꞌut xxuta̱n lix be̱lom. Chanchaneb li ixk li besbileb chixjunil li rismal xjolom.

Hechos 21:9

Aꞌan cuan ca̱hib xrabin toj tukꞌ ixkeb. Eb li xkaꞌal aꞌan nequeꞌyehoc ra̱tin profeta.

Miqueas 6:4

La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Nehemías 6:14

—At inDios, chaqꞌue taxak retal li raylal li yo̱queb chixba̱nunquil cue laj Sanbalat ut laj Tobías. Ut misach taxak saꞌ a̱chꞌo̱l li quixba̱nu lix Noadías li profeta ixk rochbeneb li jun chꞌol chic profetas li queꞌajoc xqꞌuebal inxiu.—

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Jueces 4:5

Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Ezequiel 13:17

Joꞌcan ut anakcuan, at ralal cui̱nk, ta̱ye resil li raylal li ta̱cha̱lk saꞌ xbe̱neb li ixk li nequeꞌbalakꞌin, li cuanqueb saꞌ la̱ tenamit. Ta̱ye resil li raylal teꞌxcꞌul xban nak nequeꞌxye li cꞌaꞌru nequeꞌxcꞌoxla xjuneseb.

Jueces 5:1

Saꞌ li cutan aꞌan, lix Débora ut laj Barac li ralal laj Abinoam queꞌbichan ut queꞌxye chi joꞌcaꞌin: