Jueces 4:22 - Li Santil hu

²² Laj Barac toj yo̱ chixsicꞌbal laj Sísara. Nak quicuulac aran, qui-el lix Jael chixcꞌulbal ut quixye re: —Quim arin, chola̱cuil li cui̱nk li yo̱cat chixsicꞌbal, chan. Ut laj Barac qui-oc toj saꞌ lix muheba̱l lix Jael ut aran quixtau laj Sísara jiljo saꞌ chꞌochꞌ. Ac camenak chic ut toj laplo ajcuiꞌ li cheꞌ saꞌ lix jolom.

Q'eqchi Bible

²² Naq laj Barak, li yo xsik'b'al laj Sísara, kiwulak aran, li ixq ki'elk chaq chi xk'ulb'al ut kixye re: “Kim, chink'utaq chawu li winq li yookat xsik'b'al”, chan. Laj Barak ki'ok sa' xmuheb'aal li ixq, ut jiljo chi kamenaq laj Sísara naq kixtaw, laplo ajwi' li che' sa' li xjolom.

Jueces 4:22 ပူးပေါင်းရင်းမြစ်များ

2 Samuel 17:3

Tinye reheb chixjunileb li cristian li yo̱queb chi oque̱nc chirix laj David nak teꞌsukꞌi̱k a̱cuiqꞌuin. Eb aꞌan incꞌaꞌ teꞌcamsi̱k. La̱at caꞌaj cuiꞌ li rey ta̱cuaj ta̱ca̱mk. Nak acak xeꞌsukꞌi saꞌ li tenamit, incꞌaꞌ chic ta̱cua̱nk ple̱t, chan.

Jueces 4:21

Ut laj Sísara quicube xcuara xban nak kꞌaxal lublu. Lix Jael quixchap chak jun li cheꞌ kꞌes ruꞌuj xcomon li nequeꞌxtꞌoj saꞌ chꞌochꞌ re xchapbal li muheba̱l. Ut quixchap lix martillo ut quijiloc riqꞌuin laj Sísara chi timil timil ut quixnumsi li kꞌesnal cheꞌ saꞌ xjolom toj retal qui-oc li cheꞌ saꞌ chꞌochꞌ. Joꞌcaꞌin nak quicam laj Sísara.

Jueces 4:23

Joꞌcaꞌin nak li Dios quixcubsi xcuanquil laj Jabín lix reyeb laj Canaán chiruheb laj Israel.