Jueces 4:11 - Li Santil hu

¹¹ Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

Q'eqchi Bible

¹¹ Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Jueces 4:11 ပူးပေါင်းရင်းမြစ်များ

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Josué 19:33

Li nuba̱l re li naꞌajej li queꞌxcꞌul nacuulac toj saꞌ eb li tenamit Helef, Alón-saananim, Adami-neceb ut Jabneel. Nacuulac cuan cuiꞌ li naꞌajej Lacum ut nocox-e̱lk cuan cuiꞌ li nimaꞌ Jordán.

Números 10:29

Ut laj Moisés quia̱tinac riqꞌuin laj Hobab lix ba̱lc. Aꞌan li ralal laj Ragüel laj Madián. Quixye re: —La̱o xic ke saꞌ li naꞌajej li quixyechiꞌi ke li Ka̱cuaꞌ. Yoꞌo chikix ut la̱o takaba̱nu usilal a̱cue. Li Ka̱cuaꞌ quixye nak torosobtesi, chan.

Josué 19:37

Cedes, Edrei, En-hazor,

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Jueces 4:6

Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Números 24:21

Ut nak qui-iloc saꞌ xjayal lix tenamiteb laj Ceneo laj Balaam quixye li cꞌaꞌru teꞌxcꞌul eb aꞌan. Quixye: —La̱ex aj Ceneo, quecauresi chi us le̱ naꞌaj ut saꞌ xbe̱n ni̱nki pec cuan.

Éxodo 18:1

Laj Jetro, lix yucuaꞌ li rixakil laj Moisés, aꞌan laj tij aran saꞌ li tenamit Madián. Laj Jetro quirabi chanru nak li Dios quixtenkꞌa laj Moisés nak quirisiheb chak laj Israel saꞌ li tenamit Egipto.

Éxodo 2:18

Eb li xkaꞌal queꞌsukꞌi saꞌ rochocheb. Lix yucuaꞌ aj Reuel xcꞌabaꞌ. Aꞌan quixpatzꞌ reheb: —¿Cꞌaꞌut nak saꞌ junpa̱t xexsukꞌi chak anakcuan?— chan.

Jueces 4:12

Laj Sísara quirabi resil nak laj Barac li ralal laj Abinoam ac xcuulac saꞌ li tzu̱l Tabor.

1 Samuel 15:6

Quixtakla xyebal reheb laj Ceneo: —Elenkex saꞌ xya̱nkeb laj Amalec re nak incꞌaꞌ texsachekꞌ rochbeneb aꞌan. Incꞌaꞌ texsachekꞌ xban nak la̱ex xeril xtokꞌoba̱l ruheb laj Israel nak queꞌel Egipto, chan. Ut eb laj Ceneo queꞌel saꞌ xya̱nkeb laj Amalec.

1 Samuel 27:10

Ut laj Aquis naxye reheb: —¿Bar xexcuulac chi pletic anakcuan?— Ut laj David naxye re: —Xocuulac Judá saꞌ li sur.— Malaj ut naxye: —Xocuulac Jerameel saꞌ li sur.— Malaj ut naxye: —Xocuulac saꞌ li sur cuanqueb cuiꞌ eb laj Ceneo, chan.

Números 10:32

Cui la̱at tatxic chikix, la̱at tattzꞌako̱nk ajcuiꞌ riqꞌuin li usilal li tixba̱nu ke li Dios. La̱o takaba̱nu usilal a̱cue, chan.