Jueces 4:1 - Li Santil hu

¹ Nak ac xcam laj Aod, eb laj Israel queꞌoc cuiꞌchic chixba̱nunquil li incꞌaꞌ us chiru li Ka̱cuaꞌ.

Q'eqchi Bible

¹ Naq kikamk laj Ehud, eb' laj Israel ke'ok wi' chik chi xb'aanunkil li ink'a' nawulak chiru li Qaawa';

Jueces 4:1 ပူးပေါင်းရင်းမြစ်များ

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

Jueces 6:1

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Jueces 3:12

Queꞌma̱cob cuiꞌchic chiru li Ka̱cuaꞌ eb laj Israel. Joꞌcan nak li Ka̱cuaꞌ quixqꞌue xmetzꞌe̱u laj Eglón chi numta̱c saꞌ xbe̱neb. Laj Eglón, aꞌan lix reyeb laj Moab. Kꞌaxal cau rib laj Eglón chiruheb laj Israel.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.