Jueces 3:7 - Li Santil hu

⁷ Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

Q'eqchi Bible

⁷ Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Jueces 3:7 ပူးပေါင်းရင်းမြစ်များ

Éxodo 34:13

Te̱jucꞌ chi junaj cua lix artaleb ut te̱poꞌ ajcuiꞌ lix dioseb Asera xcꞌabaꞌ. Te̱yoqꞌui li cheꞌ li nequeꞌxxakaxi aran li nequeꞌxlokꞌoni ru.

2 Reyes 23:6

Quixtakla ajcuiꞌ risinquil saꞌ lix templo li Ka̱cuaꞌ lix jalam u̱ch lix Asera. Queꞌrisi Jerusalén ut queꞌxcꞌam toj saꞌ li ru takꞌa re Cedrón ut aran queꞌxcꞌat. Ut lix chahil queꞌxcut saꞌ xbe̱neb lix mukleba̱l li tenamit.

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

2 Crónicas 33:3

Quixyi̱b cuiꞌchic li naꞌajej li najt xteram li quilajxpoꞌi laj Ezequías lix yucuaꞌ. Quixyi̱b ajcuiꞌ eb li artal li nequeꞌxlokꞌoni cuiꞌ eb li yi̱banbil dios Baal ut quixyi̱b cuiꞌchic lix jalam u̱ch li dios xAsera. Ut quixlokꞌoniheb li chahim, joꞌ ajcuiꞌ li po ut li sakꞌe.

2 Crónicas 24:18

Queꞌxtzꞌekta̱na lix templo li Ka̱cuaꞌ lix Dioseb lix xeꞌto̱nil yucuaꞌ ut aꞌ chic li yi̱banbil dios xAsera ut eb li jalam u̱ch queꞌxlokꞌoni. Xban li ma̱c queꞌxba̱nu, cꞌajoꞌ nak quichal xjoskꞌil li Dios saꞌ xbe̱neb laj Judá ut eb laj Jerusalén.

2 Crónicas 15:16

Lix Maaca lix naꞌchin laj Asa quixyi̱b jun lix dios Asera. Joꞌcan nak laj Asa quirisi xcuanquil chokꞌ reina. Quixjor li yi̱banbil dios li quixyi̱b lix naꞌchin ut quixcꞌat chire li haꞌ Cedrón.

2 Reyes 23:14

Quixtakla ajcuiꞌ xpoꞌbal li pec ut li cheꞌ li quicꞌanjelac re xlokꞌoninquil lix Asera. Ut quixcut xbakeleb li camenak saꞌ li naꞌajej li queꞌcuan cuiꞌ.

1 Reyes 18:19

Ut quixye ajcuiꞌ re li rey Acab nak tixchꞌutubeb li ca̱hib ciento riqꞌuin mero ciento li profeta li nequeꞌcꞌanjelac chiru laj Baal ut tixchꞌutubeb ajcuiꞌ li ca̱hib ciento chi profeta li nequeꞌcꞌanjelac chiru lix Asera, li nequeꞌtzacan riqꞌuin lix Jezabel, li rixakil li rey.

1 Reyes 16:33

Ut quixqꞌue ajcuiꞌ chi yi̱ba̱c jun li jalam u̱ch Asera xcꞌabaꞌ. Ut kꞌaxal cuiꞌchic quixtaksi xjoskꞌil li Dios xban nak kꞌaxal cuiꞌchic yibru quixba̱nu chiru li queꞌxba̱nu li rey li queꞌcuan junxil aran Israel nak toj ma̱jiꞌ na-oc laj Acab saꞌ xcuanquil.

Jueces 6:25

Saꞌ ajcuiꞌ li kꞌojyi̱n aꞌan, li Ka̱cuaꞌ quixye re laj Gedeón: —Cꞌam lix toro la̱ yucuaꞌ, li xcab toro li cuan cuukub chihab re. Ta̱jucꞌ li artal li quixyi̱b la̱ yucuaꞌ re xlokꞌoninquil li yi̱banbil dios Baal. Ut ta̱yocꞌ ajcuiꞌ li cheꞌ li nequeꞌxlokꞌoni cuiꞌ lix Asera lix dioseb li cuan chixcꞌatk li yi̱banbil dios Baal.

Jueces 3:12

Queꞌma̱cob cuiꞌchic chiru li Ka̱cuaꞌ eb laj Israel. Joꞌcan nak li Ka̱cuaꞌ quixqꞌue xmetzꞌe̱u laj Eglón chi numta̱c saꞌ xbe̱neb. Laj Eglón, aꞌan lix reyeb laj Moab. Kꞌaxal cau rib laj Eglón chiruheb laj Israel.

Deuteronomio 16:21

Me̱rau li cheꞌ re xlokꞌoninquil li jalanil dios lix Asera, chi moco te̱qꞌue chixcꞌatk lix artal li Ka̱cuaꞌ le̱ Dios.

Deuteronomio 4:9

Joꞌcan nak junelic taxak cua̱nk saꞌ e̱chꞌo̱l li cꞌaꞌru xeril joꞌ najtil yoꞌyo̱kex ut incꞌaꞌ taxak ta̱sachk saꞌ e̱chꞌo̱l. Ut junelic taxak te̱serakꞌi reheb le̱ ralal e̱cꞌajol li cꞌaꞌru quixba̱nu li Ka̱cuaꞌ.

2 Crónicas 34:7

Nak queꞌrakeꞌ chixpoꞌbaleb li artal joꞌ eb ajcuiꞌ lix yi̱banbil dios Asera, ut nak ac queꞌxpuqꞌui chixjunil lix dioseb li yi̱banbil riqꞌuin pec, laj Josías quisukꞌi Jerusalén.

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.

Jueces 3:8

Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 8:34

Ut eb laj Israel incꞌaꞌ chic quijulticoꞌ reheb li Ka̱cuaꞌ Dios li quicoloc reheb chiruheb li xicꞌ nequeꞌiloc reheb, li cuanqueb chi xjun sutam lix naꞌajeb.

1 Samuel 12:9

Abanan eb le̱ xeꞌto̱nil yucuaꞌ queꞌxtzꞌekta̱na li Ka̱cuaꞌ lix Dioseb. Joꞌcan nak li Dios quixkꞌaxtesiheb saꞌ rukꞌ laj Sísara li nataklan saꞌ xbe̱neb lix soldado laj Jabín lix reyeb laj Hazor. Quixcanabeb ajcuiꞌ rubel xcuanquileb laj filisteo ut rubel xcuanquileb lix reyeb laj Moab. Queꞌpletic riqꞌuineb le̱ xeꞌto̱nil yucuaꞌ ut queꞌnumta saꞌ xbe̱neb.

1 Samuel 12:10

Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

Salmos 106:7

Eb li kaxeꞌto̱nil yucuaꞌ incꞌaꞌ queꞌxqꞌue saꞌ xchꞌo̱leb li sachba chꞌo̱lej li caba̱nu nak cuanqueb aran Egipto. Quisach saꞌ xchꞌo̱leb nak cꞌajoꞌ nak cacuuxta̱naheb ru. Ut nak cuanqueb chire li Caki Palau queꞌxkꞌet la̱ cua̱tin.

Jeremías 23:27

¿Ma nequeꞌxcꞌoxla ta biꞌ li profeta aꞌan nak tineꞌxtzꞌekta̱na lin tenamit riqꞌuin li cꞌaꞌru nequeꞌxye chi ribileb rib joꞌ queꞌxba̱nu lix xeꞌto̱nil yucuaꞌ nak queꞌxlokꞌoni li yi̱banbil dios Baal?

Deuteronomio 8:11

Cheqꞌuehak retal chi us re nak incꞌaꞌ te̱canab xpa̱banquil li Ka̱cuaꞌ le̱ Dios. Junelic te̱ba̱nu li chakꞌrab li quixqꞌue e̱re. Cheba̱nuhak le̱ taklanquil li quixqꞌue. Junelic taxak te̱ba̱nu chixjunil li yo̱quin chixyebal e̱re anakcuan.

Deuteronomio 8:14

Nak acak xtam li cꞌaꞌru e̱re, incꞌaꞌ taxak te̱nimobresi e̱rib. Ut incꞌaꞌ taxak ta̱sachk saꞌ e̱chꞌo̱l nak li Ka̱cuaꞌ le̱ Dios, aꞌan li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Jueces 8:33

Nak ac xcam laj Gedeón, eb laj Israel queꞌoc cuiꞌchic chixba̱nunquil li ma̱usilal. Queꞌxlokꞌoniheb li yi̱banbil dios Baal. Ut queꞌxsicꞌ ru chokꞌ xdioseb laj Baal-berit xcꞌabaꞌ.

Salmos 106:35

Queꞌxjunaji ban ribeb riqꞌuineb ut queꞌoc chixba̱nunquil li cꞌaꞌru nequeꞌxba̱nu eb aꞌan.

Salmos 106:36

Eb lix tenamit li Dios queꞌxlokꞌoni li yi̱banbil dios ut xban li ma̱c aꞌan queꞌxqꞌue ribeb chi sachecꞌ.