Jueces 3:4 - Li Santil hu

⁴ Eb aꞌan queꞌcanaba̱c aran re xyalbal rixeb laj Israel ut re rilbal ma teꞌxba̱nu na li cꞌaꞌru tzꞌi̱banbil saꞌ li chakꞌrab li quiqꞌueheꞌ re laj Moisés xban li Ka̱cuaꞌ reheb lix xeꞌto̱nil xyucuaꞌeb.

Q'eqchi Bible

⁴ Chi jo'kan li Qaawa' kiraj xyalb'al rixeb' laj Israel re xnawb'al ma te'xpaab' li xchaq'rab' yeeb'il reheb' li xna' xyuwa'eb' xb'aan laj Moisés malaj ut ink'a'.

Jueces 3:4 ပူးပေါင်းရင်းမြစ်များ

1 Corintios 11:19

Nak nacuan li cuechꞌi̱nc ib saꞌ e̱ya̱nk, riqꞌuin aꞌan nacꞌutun ani li tzꞌakal aj pa̱banel ut ani incꞌaꞌ.

Jueces 3:1

Li Ka̱cuaꞌ quixcanabeb lix xicꞌ nequeꞌiloc reheb saꞌ lix naꞌajeb laj Israel re xyalbal rixeb li ralal xcꞌajol eb laj Israel li toj teꞌyoꞌla̱k mokon xban nak incꞌaꞌ queꞌpletic chire̱chaninquil li naꞌajej Canaán.

Jueces 2:22

Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

Deuteronomio 33:8

Quixye chirixeb li ralal xcꞌajol laj Leví: At Ka̱cuaꞌ, chaqꞌue la̱ Tumin ut la̱ Urim reheb li ralal xcꞌajol laj Leví, li nequeꞌcꞌanjelac cha̱cuu. Cayal rixeb aran Masah ut cayal rixeb aran Meriba.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Éxodo 15:25

Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.